Китабын ады

Əli içəri girdikdə, Peyğəmbər (s) «Allah sənə rəhmət etsin, sənin mənim yanıma 
gəlməyinə mane olan şey nə idi?» - deyə soruşdu. Əli ərz etdi: «Üç dəfə qapıya 
qədər gəldim, bu üçüncü gəlişimdir». Rəsulallah (s) mənə dönərək «Ənəs! Nə 
üçün Əlinin gəlməsinə mane oldun? Səni bu işə məcbur edən nə idi?»  - deyə 
soruşdu. Mən də «Ya Rəsulallah! Doğrusunu istəsəniz, sizin duanızı eşitdikdə 
mənim qövmümdən birinin gəlməsini istədim» dedim.  
İndi  sizlərdən  soruşuram:  görəsən,  Allah-təala  Rəsulunun  (s)  duasını  qəbul 
etdi, yoxsa rədd etdi?». 
Şeyx: «Cavab bəllidir. Çünki Allah-təala Quranda duaların qəbul ediləcəyinə 
dair vəd etmişdir. Rəsulallah da heç bir zaman yersiz dua etməyəcəyindən Allah-
təala duasını qəbul etmişdir». 
Dəvətçi: «Elə isə bilin ki, Allah-təala da yaratdıqları arasında ən çox sevdiyini 
seçib,  onu  Peyğəmbərinin  (s)  yanına  göndərişdir.  Ümmətin  içində  Allah  və 
Peyğəmbərin (s) ən çox sevdiyi kəs Əli ibn Əbu Talibdir (ə). Böyük alimləriniz bu 
mənanı  təsdiq  etmişlər.  Məsələn:  Məhəmməd  ibn  Təlhə  Şafei  «Mətalibus-suul» 
kitabın V fəslinin I babının 15-ci səhifəsində «Rayət» (bayraq) və «Təyr» hədisləri 
sayəsində  gözəl  bəyanı  və  təhqiqiylə  həzrət  Əlinin  (ə)  ümmətin  içində  Allah  və 
Peyğəmbərin (s) ən çox sevdiyi şəxs olduğunu və onun məqamının ucalığını isbat 
etmişdir.  Şafei  sözlərinə  bunu  da  əlavə  edərək  deyir:  «Peyğəmbəri-əkrəm  (s)  , 
müttəqilərin  ən  yüksək  dərəcələri  olan  bu  dəyərli  məqam  və  uda  sifəti  (Allah  və 

---

 
254 
Peyğəmbər (s) yanında sevimli olmağı) həzrət Əliyə (ə) nisbət verərək, onun ülvi 
məqamını xalqa billdirmək istədi». 
Hicri 658-ci ildə Şamın Hafiz və mühəddisi olan Məhəmməd ibn Yusif Şafei 
«Kifayəut-talib  fi  Mənaqibi-Əli  ibn  Əbu  Talib»  kitabının  33-cü  babında  mötəbər 
sənədləriylə  Ənəs  və  Səfinədən  bu  hədisi  dörd  yolla  nəql  etdikdən  sonra  deyir: 
«Məhamili  Amali»  kitabının  9-cu  cüzündə  bu  hədisi  nəql  edilmişdir.  Bu,  həzrət 
Əlinin (ə) Allahın ən çox sevdiyi insan olduğunu isbat edən açıq bir dəlildir. Bu 
mənaya  dəlalət  edən  dəlillərin  ən  güclüsü  də,  Allahın  öz  Rəsulunun  (s)  düasını 
qəbul edəcəyinə dair verdiyi vəddir. Peyğəmbəri-əkrəm (s) dua etdikdə Allah-təala 
duanı o an qəbul edərək, ən sevdiyi insanı Rəsulunun (s) yanına göndərdi. O insan 
Əlidən başqası deyildir.  
Sonra belə davam edir: «Təyri Mişviy» hədisini Hakim Əbu Əbdüllah Hafiz 
Nişpuri 86 nəfərdən, onlar da Ənəsdən nəql etmişlər. Hafiz 86 nəfərin hamısının 
adını yazmışdır
1
«. 
İndi  insafla  söyləyin.  Söylədiyiniz  hədis,  xüsusilə  ziddiyyətli  olduğu  halda 
Rayt  və  əzəmətli  Təyr  hədisiylə  birdirmi?!  Cavab  qətiyyətlə  «xeyr!»dir.  Əhli-
sünnətin  böyük  alimlərinin  (çox  az  inadkar  bir  qrupundan  başqa)  hamısının  nəql 
edib,  səhihliyinə  təsdiqlədiyi  səhih  hədisləri  bir  kənara  qoyub,  o  təktərəfli  hədisi 
qəbul  etmək  bir  fayda  verməz.  Nəql  etdiyiniz  hədis  tədqiqatçı  hədis  alimləri 
tərəfindən rədd edilmişdir».