Китабын ады
SEYİD ƏMİR ƏHMƏDİN DÖYÜŞÜ VƏ ŞƏHADƏTİ
Yüklə 1,34 Mb. Pdf görüntüsü
|
| SEYİD ƏMİR ƏHMƏDİN DÖYÜŞÜ VƏ ŞƏHADƏTİ
Seyid Əmir Əhməd o zalım qövmə qarşı təkbaşına mübarizə apararaq elə cəsarətli davrandı ki, min yüz ildən sonra, elə indinin özündə də tarixi şəxsiyyətlərin ibrət və həsədlərinə səbəb oldu. Nəhayət, ona kömək gəlmədiyini gördükdə, qonşunun evinin divarını dəlib, o həzrətin sığındığı evə girdilər. Həzrət döyüşdən yorulduqda, bir az nəfəs alıb, təkrar döyüşürdü. Divara söykənib nəfəs aldığı vaxt, arxadan başına bir qılınc endirdilər, eyni zamanda digər bir dəstə də evi sökməklə məşğul idi. Bu səbəbdən, mübarək bədəni torpaq qalıqları altında gizli qaldı. O xaraba ev şəhər əhalisi tərəfindən böyük viranəyə çevrildi. Çünki Şiraz şəhərinin camaatının çox az bir hissəsi mövcud hakimiyyətə müxalif idi. Hicri VII əsrin əvvəllərinə qədər, yəni Fars səltənəti Atabək Əbubəkr ibn Səd Müzəffiruiddin şahın əlinə keçənədək, mübarək bədəni o qalıqlar altında gizli qaldı. Müzəffiruiddin şah saleh bir padşah idi. Otuz altı il dava edən səltənət dövründə zahid, abid, alim və fəzilətli şəxslərə qarşı ehtiram və mütəhhər İslam şəriətini yaymaqda çox səylər göstərmişdi. «İnsanlar padşahların dini üzrədirlər» babından Fars məmləkətinin bütün vəzir və böyük şəxsiyyətləri pak İslam şüarını qoruyan kəslərdir. Atabək Müzəffüruiddin şahın yaxın vəzirlərindən biri də Əmir Müqərrəbuiddin Məsud ibn Bədruddin idi. Bu vəzir, abadlığa və rifaha çox meyilli olan bir şəxs idi. Bu səbəbdən, Şiraz şəhərinin ortasında pis bir görkəm alan o uçuq Evin yığılıb-təmizlənməsi və yerində böyük bir bina tikilməsini əmr etdi. Bu işlə əlaqədar çoxlu sayda işçi qüvvəsi oradakı torpaq və başqa qalıqları şəhərin kənarına daşımağa başladılar. Bir gün iş əsnasında başından zədə almış bir insanın cəsədinin qalıqlar altında qalmış olduğunu görüb, bu məsələni hökümətə bildirirlər. Baş vəzir və bir qrup digər məmurlar bu hadisənin nə olduğunu öyrənmək, təftiş etmək məqsədiylə oraya gəldilər. |