Şeyx: «Allah bizimlədir» sözündən məqsəd budur ki, biz Allahın sevimli
qullarıyıq. Çünki Allaha yönəldik, Allah üçün və Allahın dinini qorumaqdan ötürü
hərəkət etdik. Bu səbəbdən Allahın lütfü bizi əhatə edir».
HƏQİQƏTİN GÖZLƏR ÖNÜNDƏ AÇILMASI
Dəvətçi: «Bunun mənası dediyiniz şəkildə olsa belə, yenə etiraz edərək
deyəcəklər ki, belə bir şey heç bir kəsin əbədi səadətinə dəlil olmaz. Çünki, Allah
qulların əməllərinə baxar. Bir zaman əməlləri yaxşı olar, Allahın rəhmət və lütfü
onlara şamil olar. Sonra pis əməlləri nəticə və imtahan qarşısında cavab verə
bilmədikləri üçün Allah onlara qəzəb edib, onları rəhmətindən məhrum edər və
onlar da məlun olarlar.
İblis illər boyu Allaha xalis niyyətlə ibadət etdi. Amma Allahın əmrinə üsyan
etdiyi, həvayi-həvəsinə tabe olduğu an Allahın rəhmətindən məhrum edilərək
Qiyamətə qədər lənətlənmiş oldu. Allah-təala ona belə buyurdu:
«Oradan [Cənnətdən] çıx! Sən [dərgahımdan] qovulmusan. Sən
