Başqa biri isə Abid Bərsisadır. Bu da əvvəldə Allaha elə yaxın idi ki, duaları
qəbul olurdu. Amma imtahan edildikdə sonu xeyirli olmadı. Şeytanın hiyləsinə
aldanaraq, bir qızla zina etdi. Bu səbəbdən bütün zəhmətləri boşa çıxdı. Sonra dar
ağacından asılaraq kafir kimi dünyadan getdi. Allah-təala Qurani-kərimdə buyurur:
«Şeytanın [insanın] aldatmasına bənzəyir. O, insana «Kafir ol!» deyir. Kafir olduqda isə ona deyər: «Mən səndən uzağam, mən aləmlərin rəbbi olan Allahdan qorxuram». Beləliklə, hər ikisinin aqibəti od içində əbədi qalmaq oldu.
