Китабын ады

Hafiz: «Buyurun, sözlərinizi diqqətlə dinləməyə hazırıq». 
Dəvətçi:  «Əvvəla  möhtərəm  qardaşımız,  siz  tamamilə  iki  zidd  məsələni  bir-
biriylə  qarışdırdınız.  Əgər  şiənin  hədislərində  çox  lənətlənən  və  münafiqlərin 
cərgəsində  tanıdılan  yəhudi  münafiq  və  məlun  Əbdullah  ibn  Səba  bir  neçə  gün 
özünü  xalq  arasında  həzrət  Əlinin  (ə)  dostu  kimi  tanıtdırmışsa,  onun  imamiyyə 
şiələri ilə nə əlaqəsi vardır? Əgər bir qurd qoyun sürüsünə girir, bir oğlu alim və 
üləmanın  libasını  geyib  özünü  minbər  və  mehrabda  göstərir  və  ondan  İslam  və 
müsəlmanlara  bəzi  zərərlər  yetişirsə,  o  zaman  bütün  alim  və  üləmalara  pis  gözlə 
baxmaq lazımdırmı?! «Onların hamısı oğrudurlar!» deməliyik?! 
Həqiqətdə pak olan şiə məzhəbini məlun Əbdullah ibn Səbaya şamil etməniz 
və «o, əsasını qoymuşdur» - deyə şiə məzhəbini ləkələməyiniz insafsızlıqdır! Haqq 
olan  şiə  məzhəbini  kiçildib,  onun  bir  siyasi  hizb  olduğunu  söyləməyiniz  və 
Osmanın  zamanındakı  məlun  Əbdullah  ibn  Səbanın  bidət  və  əsərlərindən 
saymağınız, həqiqətdə, təəccübləndirici bir şeydir. Həqiqətən, çox böyük bir səhvə 
düşdünüz. Çünki şiə bir hizb deyildir; haqq bir əzhəb və haqq bir yoldur! Osmanın 
xilafət  zamanında  meydana  gəlməmişdir;  Rəsulallahın  (s)  öz  zamanında  və  O 
həzrətin (s) öz əmri ilə məşhurlaşmışdır.  
Sizin  gətirdiyiniz  dəlillər  xəvaric  və  nəsibilərin  yalan  və  iftiralarından 
ibarətdir;  biz  isə  haqqın  batildən  ayrılması  üçün  Qurani-kərim  və  öz  mötəbər 
hədislərinizdən olan dəlillərə söykənirik.  

---

 
55 
Bunu  da  xatırlatmaq  istəyirəm  ki,  həqiqət  ortaya  çıxdıqdan  sonra 
utanmamağınız üçün daima söz və əməllərinizə olduqca diqqət göstərin.  
Əgər  icazə  verirsinizsə,  sözlərim  də  təbiətinizə  əks  deyilsə,  məsələnin 
buyurduğunuz kimi olmadığını isbatlayım». 
Hafiz: «Əlbəttə, buyurun, onsuz da bu məclisin təşkil edilməsi və bizim bura 
toplanmağımız həqiqətlərin ortaya çıxması və şübhələrin aradan getməsi üçündür; 
qətiyyən dəlilə söykənən sözlərdən narahat olmuruq».