Bax, belə bir Peyğəmbərin (s) şəxsən özü, həzrət Əlinin (ə) tərəfdar və
təqibçilərini «şiə», «naci» və «qurtuluşa çatanlar» adlandırmışdır».
Hafiz: «Harada belə bir şey mövcuddur ki, biz onu indiyə qədər
görməmişik?!».
Dəvətçi: «Siz görməmisiniz, ya görmək istəməmisiniz, yaxud görüb həqiqəti
etiraf etməyi öz məqamınıza uyğun bilməmiş və yaxud da tabenizdə olanları,
tərəfdarlarınız və müridlərinizi göz önündə canlandırmısınız. Lakin biz görmüşük
və haqqı gizlətməyi, din və dünyamıza uyğun bilmirik! Çünki Alla-təala Qurani-
kərimin iki ayəsində haqqı görüb gizlədənlərə açıq-aydın şəkildə lənət etmiş və
onları Cəhənnəm əhlindən bilmişdir.
Birincisi, «Bəqərə» surəsinin 159-cu ayəsində belə buyurmuşdur:
«Göndərdiyimiz açıq-aydın dəlilləri və hidayət [yolunu] kitabda insanlara açıqladığımızdan sonra gizlədənlərə həm Allah və həm də bütün lənət edənlər lənət edərlər».
İkincisi, yenə də «Bəqərə» surəsinin 174-cü ayəsində buyurulur:
«Allahın endirdiyi kitabdan bir şeyi gizlədənlər və onunla dəyəri az (bir qarşılığı) satın alanlar; onların qarınlarına doldurduqları atəşdən başqa bir şey deyildir. Allah da Qiyamət günü onlarla danışmaz və onları arındırmaz. Və
