Kompüter avadanlıqlarının profilaktikası və texniki təmiri

Интернет браузерляри
Ən çox istifadə olunan İnternet xidməti WWW –dir. Burada yerləşdirilən bütün sənədlər vahid HTML formatında olur. Ona görə də elə proqramlar olmalıdır ki, bütün bu sənədləri ekranda göstərə bilsin. Belə proqramlar İnternet brauzerləri adlanır. Brauzer sənədi qəbul edir və onu tələb olunan şəkildə göstərir. Bundan başqa müasir brauzerlər müxtəlif digər funksiyaları da yerinə yetirir. Məs: Seçilmiş internet səhifələrinin siyahısını yadda saxlamaq, faylları yükləmək, informasiya axtarışını asanlaşdırmaq və s. Hal hazırda müxtəlif brauzerlərdən istifadə olunur. Hər bir İnternet brauzerinin həm üstün, həm də çatışmayan cəhətləri vardır.

İlk İnternet brauzeri 1993-cü ilin əvvəlində ABŞ-da bir qrup proqramçı tərəfindən yaradılmışdır və Mosaic adlanırdı. O vaxt üçün bu yeganə profssional brauzer idi. Məhz Mosaic brauzeri WWW xidmətini bütün internet istifadəçiləri üçün açdı. Hazırda Mosaic – in müasir versiyalırı işlənsə də, imkanlarına görə bu brauzer digər yeni brauzerlərdən geri qalır.

!994-cü ildə yeni brauzer meydana gəldi. Bu brauzer Cim Klark tərəfindən yaradıldı və Netscape Naviqator adlanmağa başladı. Qısa bir zamanda Netscape Naviqator geniş populyrlıq qazandı və hal hazırda da ondan istifadə olunur. Mosaic brauzerindən fərqli olaraq Netscape Naviqator kommersiya məhsuludur və İnternet istifadəçiləri ondan istifadə üçün pul ödəməlidir.

Son illərdə ən çox istifadə olunan İnternet brauzeri Microsoft Corporation şirkəti tərəfindən yaradılan Microsoft İnternet Explorer brauzeridir. İnternet Explorer brauzeri istifadəçilər üçün pulsuz yayılır və kompüterdə Windows sisteminin tərkibində olur.