Kompüter avadanlıqlarının profilaktikası və texniki təmiri

Yaradılmış WEB – səhifələri serverdə yerləşdirmək.

Tutaq ki, yaratdığımız WEB – sayt artıq hazırdır və biz ona öz kompüterimizin ekranında baxa bilərik. İndi elə etmək lazımdır ki, digər İnternet istifadəçiləri də bizim saytımıza baxa bilsin. Bunun üçün bir neçə üsul mövcuddur. Bunu WEB- səhifəni heç hara köçürmədən də etmək mümkündür. Bu o halda mümkündür ki, kompüter internetə birləşmiş xətt vasitəsi ilə birləşmiş olsun.

İstənilən telefonun telefon şəbəkəsində öz unikal nömrəsi olduğu kimi, İnternetə qoşulmuş hər bir kompüterin də öz unikal nömrəsi vardır və bu İP – ünvan adlanır. İP- ünvan ilə İnternetdə istənilən kompüteri tapmaq mümkündür.

Əgər kompüter İnternetə daimi qoşulmuş vəziyyətdədirsə, onun İP- ünvanı vardır. Bu zaman bütün İnternet istifadəçilərinin bu saytı görməsi üçün kompüterdə WEB-Server adlanan xüsusi proqramı yükləmək və WEB- səhifələri bütün şəbəkə üçün açıq olan papkada yerləşdirmək lazımdır.

Ancaq bütün kompüterlər İnternetə daimi qoşulmuş şəkildə olmur. İnternet şəbəkəsi müvəqqəti açıq olan istifaləçilər üçün ən asan yol öz WEB səhifələrini xüsusi olaraq belə işlər üçün nizamlanmış başqa kompüterlərdə yerləşdirməkdir. Bu bizim qoşulduğumuz İnternet provayderin Serveri (bütün provayderlər belə xidmətləri pulsuz göstərirlər), və ya digər pulsuz İnternet-Serverlərdən biri ola bilər. Pulsuz İnternet-provayderlərdən öz VEB- səhifələrimiz üçün bir qədər disk sahəsi ala bilərik. İnternetdə belə Serverlər həddən artıq çoxdur. Bunlara misal olaraq WWW.halyava.ru, WWW.chat.ru, WWW.narod.ru və s.

Serverdə yer aldıqdan sonra yaratdığımız WEB saytın bütün fayllarını ora yükləmək lazımdır. Bunun üçün Ftp- birləşməsindən istsfadə etmək daha əlverişlidir. Bu zaman serverə faylları yükləmə prosesi adi faylların kopyalanması prosesindən az fərqlənir. Məsələn: WS-FTP – proqramında sol panelində öz kompüterimizin faylları, sağ paneldə isə Serverdə yerləşən fayllar görünür. Faylların yüklənməsi üçün onları qeyd edib Copy düyməsini vururuq.

Əgər səhifəni İnternetdə yeniləşdirmək lazımdırsa, FtpWEB proqramından istifadə edirik. Bu proqram axırıncı yükləmədən sonra dəyişilmiş faylları izləyir və onları avtomatik olaraq Serverə yükləyir.