Kompüter Texnologiyaları İnformatika fundamental elm kimi, onun tarixi və predmeti

Təkrarlayacı(Repeater)– şəbəkə seqmentlərini birləşdirir. Gələn siqnalı gücləndirərək digər şəbəkəyə ötürür (Şəkil 12.11).
Transiver–işçi stansiyaları yoğun koaksial kabelinə qoşur (Şəkil 12.12).
Terminatorlar– açıq kabellərə şəbəkənin qoşulması, həmçinin açıq qalan yerlərin torpaqlanması (bağlanması) üçün istifadə olunur (Şəkil 12.13.).
Konnektorlar – nazik kabelləri şəbəkə kartı ilə birləşdirən kabel başlıqlarıdır.

§12.3. Lokal şəbəkə topologiyaları
Kompüterlərin şəbəkəyə qoşulma konfiqurasiyasına topologiya deyilir. 1. Şin (Ümumşin) topologiyası. Şin topologiyalı lokal şəbəkələr ən sadə struktura malikdirlər. Bu topologiyada bütün kompüterlər paralel olaraq magistral və ya seqment adlanan şinə qoşulurlar (Şəkil 12.14.). Şin topologiyalı lokal şəbəkələrin əsas üstünlükləri aşağıdakılardır:
Özündən bütün informasiyanı keçirən mərkəzi abunəçi yoxdur, bu da onun etibarlılığını artırır; Hər hansı bir kompüterin sıradan çıxması şəbəkənin işinə təsir etmir; Şəbəkəyə yeni kompüterlərin daxil edilməsi asandır; Şəbəkə kartları (adapterləri) ucuzdur. Mənfi cəhəti isə ondan ibarətdir ki, əsas kabel zədələndikdə şəbəkə öz işini itirir. Bu şəbəkələrdə kabel sisteminin işi yüksək səviyyədə olmalıdır. Uzun rabitə xətlərində elektrik siqnallarının yayılmasını nəzərə alaraq şin topologiyasında terminatorlardan istifadə edilməlidir. Şin topologiyasında şəbəkənin uzunluğunu artırmaq üçün bir neçə seqmentdən istifadə edilir. Hər bir seqment ayrıca bir şindir. Seqmentlər bir-birinə repeaterlər vasitəsilə birləşdirilir. Şin topologiyasından kiçik lokal şəbəkələrdə istifadə edilməsi məsləhətlidir.