Kompüter Texnologiyaları İnformatika fundamental elm kimi, onun tarixi və predmeti

birranqlı (peer-to-peer) (Şəkil 12.1.)

seçilmiş serverli (server based) (Şəkil 12.2.)

§12.2. Kompüter şəbəkələrinin aparat və proqram təminatı Lokal kompüter şəbəkələrində istifadə olunan əsas aparat vasitələrinə aşağıdakılar aiddir: işçi stansiyalar; serverlər; şəbəkə kartları (adapterləri); kabellər İşçi stansiyalar (İST) dedikdə şəbəkə resurslarından istifadə edən kompüterlər nəzərdə tutulur. Şəbəkə resurslarını paylayan kompüterlər isə serverlər adlanırlar. İST və serverlər verilənləri ötürmək üçün öz aralarında kabel vasitəsilə birləşirlər. Bu kompüterlər kabelə interfeys platası (kartı) – şəbəkə adapteri vasitəsilə qoşulurlar. Şəbəkə adapterlərinin 3 xarakteristikası məlumdur: Kompüterin qoşulduğu şinin tipi (ISA, EISA, Micro Channel və s.); Şəbəkə mərtəbəsinin sayı (32, 64); Yaradılan şəbəkənin topologiyası (şin, ulduz, halqa). İnformasiyanı ötürmə mühiti dedikdə, şəbəkə kompüterləri arasında informasiya mübadiləsini təmin edən rabitə xətləri başa düşülür. İnformasiyanın ötürülmə mühitindən asılı olaraq rabitə xətləri 3 qrupa ayrılırlar: Çəkilən (hava ilə) – havada sallanan və tirlər arasında tarım çəkilən hər hansı bir izolyasiyaya malik olmayan naqillərdir. Əsasən telefon və teleqraf xətlərinin çəkilməsi üçün istifadə olunur. Məcbur qaldıqda kompüter şəbəkələrində də istifadə oluna bilir. Keyfiyyəti çox aşağıdır.