| 05.11.2010, saat 14:00
***
Məni də aparasan
Ay Səkinə, xanım, bəlkə, məni də aparasan,
Sizin dağlara çıxıb, bizim dağlara baxaram.
Çox güman ki, sizlə bağlı xoş gedər o allaha,
Sən savab qazanarsan, mənsə təsəlli alaram.
12.07.2014, saat 23:45
***
Tərtibatçıya alqış
Fəqanə xanım dedi ki, tərtibatçıya alqış,
Tərtibatçı o cür zövqü siztək gözəldən almış.
Bu növ gözəl, möhtəşəm bir tablo-əsər oyadıb,
O rəngarəng güllər içrə sizi bir gül yaratmış.
DÜNYANIN
Biri yazır, biri deyir, hara gedir bu dünya,
Sözün varsa, tut, özündən soruş gedən dünyanın.
Mən nə bilim hara gedir, getsin gedən bu dünya,
Bəlkə, sonu çatıb belə yalan olan dünyanın.
Öz oxu da qırılıbdır, fırlanammır yerində,
Doğru-dürüst məxsus olan kainatın evində.
Oyuncağa dönüb bu gün oğru-quldur əlində,
Oyunbazlar ucbatına viran qalan dünyanın.
Sabir deyər, taladılar bu dünyanı nadanlar,
Yazıq dünya, yanda qalıb sənə sadiq adamlar.
Ürəyini dartıb yeyir saxta addım atanlar,
Heç dərdini çəkən varmı talan olan dünyanın.
Dostları ilə paylaş: |
