15.04.2014, saat 19: 30
Əlini çək
Əllərini çək əlimdən,
Əlim sənə gərək deyil.
Qəlbin görsün ürəyimi,
Könülündə varmı meyil?
14.04.2014, saat 23:40
Olmaz heç tayı
Gözəl gördüm, misilsizdir bənzəri,
Şirin-şəkər, gözəl-göyçək, məzəli.
Yerləşmir heç tərif-dastan sinəmə,
Bəlkə, olmaz heç tayı, bərabəri.
14.04.2014, saat 23:20
***
Ay camaat, yatdınızmı?
Deyirəm mən yavaş-yavaş,
Gecəniz xeyirə qalsın.
Gedib yatım yavaş-yavaş.
13.04.2014
Qonaydın sən
Xanım, sevdim dünya qədər,
Ürəyimə qonaydın sən.
Boğur məni arzu, qəhər,
Sinəm üstə donaydın sən.
Mələyim ol, həvəsim ol,
Can verəndə nəfəsim ol,
Bülbül olum, qəfəsim ol,
Təkcə mənim olaydın sən.
Bağım, bağçam, yasəmənim,
Sən mənim bahar səmənim.
Sabir Binnət olsun sənin,
Taleyinə qonaydın sən.
Dostları ilə paylaş: |
