13.04.2014, saat 15:40
Hədər yerə
Onsuz da sən məni tanıyacaqsan,
Getsə də vaxtımız hədər bir yerə.
Sonunda özünü qınayacaqsan,
Əlimi cəkəndə o siyah telə.
Baxma ki, bir müddət küsü edibsən,
Qəlbində qəlbimin yeri var sənin.
Dəlinmiş qəlbimə dərin giribsən,
Çıxmağın imkansız, könlüm yox mənim.
Sən Sabir Binnətə zülm eyləmə,
Yatıbsan könüllü könül meylinə.
Bəhanə, söz-gapı nədən söyləsən,
Gərəksiz, boş söhbət girməz beyninə.
12.04.2014, saat 20:15
Onu bir də görəydim
Bir gözəli gördüm bir bağ boyunca,
Əlindəki zənbilini qoyunca.
Könlüm sındı, baxammadım doyunca,
Getmə, aman onu birdə görəydim.
Sinəsindən qoşa gözlər baxırdı,
Ürəyimi oda-közə yaxırdı.
Vicudumdan sellər-sular axırdı,
Bitmə, zaman, onu birdə görəydim.
Al yanaqlar, bal dodaqlar, buxağın,
Üzdü məni boğazında o xalın.
Görən vaxtdan xarablaşır bu halım,
Etmə yaman, onu bir də görəydim.
Yandım, yandım, odda yanıb yaxıldım,
Qıpqırmızı, pultək şişə taxıldım.
İldırımtək şaqqıldaşıb çaxırdım,
Gələ o an, onu birdə görəydim.
Qənşərimə hardan cıxdın aman sən,
Məni yaman hala saldın, yaman sən.
Sabir Binnət qucağında talan sən,
Getmə, məqam, onu bir də görəydim.
Dostları ilə paylaş: |
