23.04.2014, saat 23:05
Sən mənə qonaq ol
Sən mənə qonaq ol, gülüm, gəl mənə,
Axsasam çomaq ol, gülmə sən mənə.
Bilirəm, əlimdən sən tutacaqsan,
Təki ver həmişə zülüm sən mənə,
Elə mənə yanan sən olacaqsan.
23.04.2014, saat 10:15
Dedim, xanım!
Dedim, xanım, günaydın.
Dönüb günəş olaydın!
Yanında ay olaydım.
Açıq səma boyunca.
30.04.2014, saat 18:50
Sinən üstə
Dərdi, qəmi təkcə sənlə böləm mən,
Beşikdəki bir körpəyə dönəm mən.
Tale verə bundan sonra ömrümü,
Sinən üstə ömür verib, öləm mən.
12.03.2014
Deyir, şair
O, həsrətlə baxan bir gül,
Deyir, şair, dillən barı.
Gözüm yollarda qalıbdır,
Gəlmir könlümün nübarı.
04.05.2014, saat 01:40
Könlüm açılaydı
Dedim, bəlkə, bir gözəllə,
Bir az könlüm açılaydı.
Məhəbbətin dəryasına,
Ay işığı saçılaydı.
Dindir, xanım, dinim sənə,
Dinməsən də, dinim sənə.
Ay qız, bir az gülümsənə,
Bəlkə, könlüm açılaydı.
Tez inciyib, uzaq durdu,
Naz eyləyib, ağız burdu.
Sabir Binnət qüssə qurdu,
Qəmdən uzaq qaçılaydı.
Dostları ilə paylaş: |
