16.06.2014, saat 15:30
Bir gözələ
Ayə, bu cür gələn gözəl,
O, görən, kimin yarıdır?
Qoy hüsnünə yazım qəzəl,
Azərbaycan maralıdır.
Dünya-aləm ona baxsın,
Baxan gözlər heyran qalsın.
Görüm bu cür süzən gözəl
Dərd qanandan sevgi alsın.
Misli-tayı yoxdur onun,
Geyib ceyran-mələk donun.
Əndam, vücud, yaraşıqdan,
Yandıracaq nazı onun.
Hər görəndə əqlim çaşır,
Başımda fikrim dolaşır.
Yatsam belə röyam boyu,
Görünmək ona yaraşır.
Sabir Binnət, qəlbinə sal,
Bir dənizdir arzu-xəyal.
Ha gözlərin axtarsa da,
Qəlbini gör, təsəlli al.
20.01.2013, saat 15:30
Harda qalıbdır
Heç demirsən son zamanlar,
Bu Sabir harda qalıbdır?
Bəlkə, ona xərər dəyib,
Ya da o, darda qalıbdır.
Könlün yaman soyuqlaşıb,
Fikrin, aman oyuqlaşıb.
Yoxsa bu zaman bulaşıb,
Əqlim o yarda qalıbdır.
Duru, təmiz sandım deyən,
Öldüm, aman, yandım deyən,
Var Sabirə andım deyən,
O maral harda qalıbdır?
Dostları ilə paylaş: |
