28.04.2014, saat 23:25
Heç bilmirəm
Az qalmışam baş götürüb geniyəm,
Heç bilmirəm, vallah, kimin yemiyəm.
Tapdalanır haqq-ədalət, vicdanım.
Taqətim yox, addım atıb yeriyəm.
26.04.2014, saat 21:50
Bəy deyirlər
Mən nə karə oldum belə, mənə də bəy deyirlər,
Xalqı çapan bəylər qalıb, mənə də bəy deyirlər.
İndi bəylər o qədərdi, yox ki, mənə ehtiyac,
Görməyibən bic-gicləri, mənə də bəy deyirlər.
Zaman çaşıb, dünya çaşıb, hər ada bəy deyirlər,
Özlərinə hiylə quran, hər yada bəy deyirlər.
01.03.2014
Mənə bəy deməyin
Bəy bəydirsə, dövləti-varı gərək olsun,
Həmin bəyin, hümmətli zalı gərək olsun.
01.03.2014
Bu millət
Bu xalqın özü kimi,
Məmurları var belə.
Saxta, fırıldaq ilə,
Sığal verirlər telə.
Oyanmır ki, oyanmır,
Yuxudan heç doyammır.
Nahaqlı qaydaları,
Bir kənara qoyammır.
Qəbul olub vəziyyət,
Çəkir indi bu millət.
Heç kim qoy inciməsin,
Vərdişi belə zillət.
Sabir Binnət, düz sözüm,
Canda qalmayıb dözüm.
Közdə ağarsın gözüm.
Yalan belə söyləsəm,
Çıxmayım sübhə özüm.
Dostları ilə paylaş: |
