15.05.2013, саат 23:30
Dağların seyri
Qalxdım seyr etməyə dağlara sarı,
Yamacda çiçəklər, qırmızı-sarı.
Qırqovul, turacı, kəkliyi sarı,
Baxanda qəlbimin başı göynədi.
Ormanı, meşəsi qəlbimi düzər.
Lalə-bənövşəsi könlümü üzər.
Durnalar düzülüb səddən yan süzər,
O uca dağların qaşı gör nədi.
Uca dağ başında bir qartal səsi,
Çox cavan yaşında bir maral səsi.
Ceyranın-cüyürün əks edən səsi,
Könlüm sızıldayıb, qəlbim göynədi.
Kolların dibindən kəklik nəğməsi,
Bir qaya hinindən turac nəğməsi,
Axan bulaqların şır-şır nəğməsi,
Sabirin dünyası dibdən göynədi.
Dostları ilə paylaş: | 
