Könüldən keçənlər

11.02.2011, saat 10:10


Yetim-yesir
Könlüm yaman qaralıbdır,

Gen qursaqlar daralıbdır.

Ac-yalavac, düzdə gəzən,

Yetim-yesir çoxalıbdır.

Mənə görə
Kimə görə çox dadlı,

Mənə görə fəryadlı,

De, kimə lazımdır ki,

Fəna dünya, bu adlı?

25.02.2014


Ey həyat
Gulə-gulə danışıram hər yanla,

Vicdanımla yarışıram zamanla.

Mən dövranla barışmıram, gəl anla,

Bilirsənmi nə gündəyəm, ey həyat?

Ehtiyacdan dağa, daşa yollanır,

Bütün millət zillət ilə allanır.

Ac-yalavac ehtiyaca yan alır,

Bilirsənmi nə gündəyəm, ey həyat?

Günlər nədir, gəl illərdən söz açaq,

İndi ət, yağ, bal yeyir quldur- alçaq.

Mən tapmıram yavan çörəyi ancaq,

Bilirsənmi nə gundəyəm, ey həyat?

Köhnə bəylər səxavətli olarmış,

Söz ağızda təravətə dolarmış.

Nökərlə bəy qan süfrəsi qurarmış,

Bilirsənmi nə gündəyəm, ey həyat?

Əzəl bəylər ölkə böyüdərdilər,

Torpaq üçün canını üzərdilər.

Saxta ada satılır indikilər,

Bilirsənmi nə gündəyəm, ey həyat?

Hərdən qəmli, hərdən deyib- gülürəm,

Hər sevincdə qüssə-kədər görürəm.

Kədərimlə üzü qara, kömürəm,

Bilirsənmi nə gündəyəm, ey həyat?

Kimsə keflə eyşi-işrət dəmləyir,

Yazıq millət haqqsız söhbət dinləyir.

Kimsə iti insan kimi yemləyir,

Bilirsənmi nə gündəyəm. ey həyat?

İnsan var ki, boş-bekar səmələnir,

Varlıların iti ciplə hərlənir.

Məmur var ki, vəhşilərlə əylənir,

Bilirsənmi nə gündəyəm, ey həyat?

De, bəs hanı sənin doğru, hiddətin,

Bəs deyilmi payladığın müddətin?

Sabir Binnət, budurmu haqq həsrətin?

Bilirsənmi nə gündəyəm, ey həyat?.

09.08.2011, saat 10²⁰