18 fevral 2014
Müxtəlif maraq
Halım oldu gərgin, içmişəm araq,
Beynimdə yarandı müxtəlif maraq.
İstədim rəm atam bir məhəbbətə,
Deyil o saç teli, daraya daraq.
24.02.2014
Aman, Allah,..
Hay atsam da səsim çıxmır,
Millət yatıb, aman, Allah.
Dünya-aləm olub cımxır,
Döndərdimi zaman, Allah.
Nədən bu dərd, bu qəm bizə,
Hopdu bizim qəlbimizə,
Könlümüzü dəlir nizə,
Göndərdimi yaman, Allah.
Hansı qeyrət qalıb bizdə,
Dağıdılıb qəbrimiz də,
İtib-batıb səbrimiz də,
Olub düzdə talan, Allah.
Sabir Binnət çəkir zillət,
Dadina heç gəlmir millət,
Nə vaxtadək bu əziyyət?
Tutar belə yalan, Allah,
22.01.2014, saat 22:50
Haqq sözü
Vətən dərd əlindən üzülüb gedir,
Alçaqlar, namərdlər saxta kef edir.
İlahi, millətin haqqa-nəfsini,
Bir tək özünlükdür, sən özün yetir.
Başqa əlacım yox imdad almağa,
Yumulub gözlərim, yer yox yummağa.
Cəhrədə kəndirtək dolanırıq biz,
Dönmüşük adicə ipdən yumağa.
Sabir Binnət, deyər sözü mərdanə,
Haqsız çoxlu, haqqlı olsa az danə.
Nahaqq basıb, haqqı taptalasa da,
Haqqın sözü, haqq yolunda bir danə.
Dostları ilə paylaş: |
