24.10.2014, saat 19:45
Bu millət
Molla gəlməz ikən dini məclisə,
Bir çappa gillədib, olur giclisə.
Milləti uydurur saxta təcnisə,
Dinsizləşib, hara gedr bu millət?
Məşədilər-hacılar dinləri altdan,
Geyirlər din donu saxta libasdan.
Həzz alır meyfason eyşi-araqdan,
Dinsizləşib, hara gedir bu millət?
Dəm vurur məclisdə dini-ayədən,
Dəmlənir özü də içki mayedən.
İynəyə oturur kefi sayədən,
Dinsizləşib, hara gedir bu millət?
Şeytan olub şeyx, cinlər dinxuda,
Görürəm onları gecə yuxuda.
Axund, molla xalqı çəkib çarmıxa,
İnsafı yetirsin görünməz xuda,
Dinsizləşib, hara gedir bu millət?
Qurbanı yeyirlər ancaq qarnı tox,
Hələ bir fağıra eyləyirlər xox.
Kasıba deyirlər, yemə əti cox,
Vururlar məzluma mənəvi sərt ox,
Dinsizləşib, hara gedir bu millət?
Din allahdan ayrı düşübdür bu gün,
Möminlər-dinçilər mövcuddur üzgün.
Dinindən kənara düşməsin küskün.
Qoy dinə baxsınlar ürəyi düzgün,
Dinsizləşib, hara gedir bu millət?
Mən dinçi deyiləm, ibadətim çox,
Qəlbimdə allaha xəyanətim yox.
Sabirəm, vicdanım, qəlbim olub tox,
Könlüm səyahətdə, axtarır bir ox,
Dinsizləşib, hara gedir bu millət?
Dostları ilə paylaş: | 
