dördüncü mərhələdə tərbiyəçi tərbiyə olunan şəxslərdə formalaşdırdığı anlayışa, şüura uyğun olaraq onların əməli fəaliyyətlərini təşkil edir;
beşinci mərhələdə tərbiyəçi tədbirə yekun vurur (N.M.Kazımov).
III Tərbiyənin məzmunu.
Tərbiyənin məzmunu dedikdə - qarşıya qoyulmuş məqsəd və vəzifələrə uyğun olaraq gənc nəsildə formalaşdırılmalı olan möhkəm davranış normalarının, şəxsi keyfiyyət və xüsusiyyətlərin, baxış və əqidələrin, bilik, bacarıq və vərdişlərin sistemi başa düşülür.
Müasir tərbiyə prosesini əsas ideyaları aşağıdaklardır:
Tərbiyə məqsədlərinin real əsaslar üzərində qurulması
Tərbiyənin məqsədi bütün dövrlərdə insanın mümkün qədər hərtərəfli inkişaf etdirilməsi olmuşdur. Müasir dövrdə bu məqsədə nail olmağın əsas vasitəsi mədəniyyətin baza əsaslarının mənimsənilməsidir. Tərbiyənin məzmununun əsas anlayışı olan “şəxsiyyətin baza mədəniyyəti” anlayışı da məhz bu cür yaranmışdır. Bu, insanın öz həyatını müəyyən etmə mədəniyyətidir. Buraya insanın bilikləri və ətraf aləmə münasibəti, əxlaqi davranışı, insani münasibətlər və əmək mədəniyyəti; demokratik və hüquqi, iqtisadi, ekoloji, bədii və fiziki mədəniyyəti, ailə mədəniyyəti və s. daxildir.
Dostları ilə paylaş: |
