Kurs: I fənn: Pedaqogika

II Müəllimin hüquq və vəzifələri.

Müasir cəmiyyətimizdə “müəllim” anlayışı iki mənada işlədilir. Geniş mənada müəllim – öz işinin ustası olub, kiməsə nəyisə öyrədən, xalq arasında xüsusi hörmətə malik şəxsə deyilir. Dar mənada müəllim – xüsusi pedaqoji təhsil alıb, təhsil müəssisələrində gənc nəslin həyata hazırlanması sahəsində peşəkar fəaliyyətlə məşğul olan şəxsə deyilir.

Müəllimin hüquqları bunlardır:

• 
  normal və təhlükəsiz iş şəraiti ilə təmin olunmaq;
  
• 
  təhsil prosesinin təşkili və idarə olunmasında iştirak etmək;
  
• 
  tədrisin formasını, metodlarını və vasitələrini sərbəst seçmək;
  
• 
  şərəf və ləyaqətinə hörmətlə yanaşılmasına tələb etmək;
  
• 
  məktəbdə vəzifə tutmaq, müvafiq hallarda seçkili vəzifələrə seçmək və seçilmək;
  
• 
  ixtisasını artırmaq, staj seçmək, yeni ixtisas almaq;
  
• 
  müəyyən edilmiş qaydada mükafatlandırılmaq və təltif olunmaq;
  
• 
  qanunvericilikdə nəzərdə tutulmuş digər hüquqlardan istifadə etmək.