Diaqnostik qiymətləndirmə (ilkin səviyyənin qiymətləndirilməsi) təlimin hər hansı bir mərhələsində şagirdin bilik və bacarıqlarının ilkin səviyyəsinin müəyyənləşdirilməsinə və bu əsasda hər bir şagirdin potensial imkanlarını nəzərə alan təlim strategiyalarının seçilməsinə xidmət edir.
Formativ qiymətləndirmə(irəliləmə və geriləmənin monitorinqi) yeni məktəbdaxili qiymətləndirmənin əsas mahiyyətini təşkil edir. Onun ənənəvi qiymətləndirmədən əsas fərqi rəqəmli qiymətlərin yazılmaması və şagirdin təlim fəaliyyətinin daimi izlənməsidir. Formativ qiymətləndirmə şagirdin qəbul edilmiş standartların reallaşmasına yönəldilmiş irəliləmələrini və geriləmələrini izləmək, bu zaman qarşıya çıxan problemləri aradan qaldırmaq və təhsilalanı istiqamətləndirmək məqsədilə aparılır.
