İntellektual hisslər – həqiqətin dərk edilməsindən doğan sevinc, onun gözəlliyindən estetik zövq almaq, sosial optimizm və məqsədyönlülük kimi hisslərdir.
Möhkəm iradə - dünyagörüşünün zəruri elementidir. Əqidə insanı praktik fəaliyyətə sövq edir. Elmi dünyagörüşü nəzəri şüurla məhdudlaşmayaraq praktik şüurla və iradi fəaliyyətlə birgə olur.
Nəzəri təfəkkür – biliklərin, real hadisələrin yaradıcı dərk edilməsini, dünyagörüşünün təkmilləşdirilməsini və iradənin istiqamətləndirilməsini özündə əks etdirən inkişaf etmiş qabiliyyətdir.
Maarifləndirmə funksiyasının mahiyyəti ondan ibarətdir ki, elmi dünyagörüşü təbiət və cəmiyyətdə baş verənləri aydın dərk etməkdə insana köməklik edir, maarifçi şüuru formalaşdırır; sosial, siyasi, mövhumi geridəqalmanı aradan qaldırır.
Dünyagörüşünün tərbiyəvi funksiyası qəbul edilmiş baxışlar və əqidələrin insanın özündə müəyyən əxlaqi-iradi keyfiyyətlər, varlığa estetik münasibət formalaşdırması nəticəsində həyata keçirilir. Öz əqidəsinə sadiqlik, onun həyat keçməsi uğrunda mübarizə xarakterin möhkəmliyini, ideyaca sabitliyi, dönməz iradəliliyi təmin edir.
Dostları ilə paylaş: |
