Təhsil – bəşəriyyətin hazırlamış olduğu mədəni irsi cəmiyyət tərəfindən müəyyən edilmiş səviyyədə mənimsəmək və buna uyğun fərdi inkişafa malik olmaqdır.
Təhsilin məzmunu dedikdə - şagirdlərə öyrədiləcək bilik, bacarıq və vərdişlərin, təfəkkür və fəaliyyət üsullarının sistemi başa düşülür.
Təhsilin məzmunu necə olmalıdır? Məktəbdə nə öyrədilməlidir? Şagirdlərdə hansı keyfiyyətlər formalaşdırılıb inkişaf etdirilməlidir? kimi suallara dövlət təhsil standartlarıcavab verir. Təhsil standartları özündə aşağıdakıları birləşdirən normativ sənədlə müəyyən edilir:
əsas tədris proqramlarının minimum məzmunu;
şagirdlərin tədris yükünün maksimum həcmi;
məktəb məzunlarının hazırlıq səviyyəsinə verilən tələblər.
Dəqiq müəyyən edilmiş təhsil standartları hər bir müəllimə, şagirdə və valideynə hər hansı məktəbdə təhsil alan şəxsin təhsil səviyyəsini qirmətləndirmək imkanı verir
