Sərlövhə və məsuliyyətlik haqqında məlumat sahəsi.Bu sahə özündə əsas sərlövhəni, materialın ümumi əlamətini (növünü), başqa sərlövhəni (alternativ, paralel, başqa), sərlövhəyə aid məlumatı, şəxslərə və (və ya) təşkilatlara aid məlumatı, bir sözlə sənədin ərsəyə gəlməsində əməyi olanlar haqqında məlumatı əks etdirir. Əsas sərlövhə. Əsas sərlövhə sənəddə necə verilibsə olduğu kimi, yəni mənbədə olan ardıcıllıq və həmin işarələrlə verilməlidir. Sərlövhə bir və ya bir neçə cümlədən ibarət ola bilər. Əgər sərlövhə bir neçə cümlədən və ya sözdən ibarətdirsə və aralarında heç bir işarə yoxdursa, o zaman bu cümlələr və sözlərdən sonra nöqtə işarəsi qoyulur.
