| ÇOXCİLDLİ SƏNƏDLƏRİN BİBLİOQRAFİK TƏSVİRİ
Monoqrafik biblioqrafik təsvirlər məlumat müxtəlifliyinə (nəşr zənginliyinə) görə də diqqəti cəlb edir. Bu və digər sənədlərin hazırlanmasında, tamamlanmasında və nəşriyyata təqdim edilməsində müəlliflər qrupunun birgə fəaliyyəti nəzərə çarpır. Təcrübə göstərir ki, oxucular sənədi birinci, ikinci, üçüncü və s. müəllifinə görə, sərlövhəsinə görə, tərtibçisinə görə, redaktoruna görə, tərcüməçisinə görə soruşa bilərlər. Əgər biz bu məlumatları yalnız birinci müəllifə verilən təsvirlə bitmiş hesab etsək, onda oxucuların sorğu obyektini xeyli məhdudlaşdıra bilərik. Buna görə də əlavə təsvirlərə ehtiyac duyulur. Bu cür təsvirdən əlifba kataloqunda istifadə edilir. Əlavə təsvir əsas təsviri tamamlayır, onun mühüm ünsürlərini daha aydın və konkret şəkildə tələbatçıların nəzərinə çatdırır. Əlavə təsvir ünsür yığcamlığı etibarilə əsas təsvirdən fərqlənir və özünə məxsus təsvir qaydasına malikdir.
Dostları ilə paylaş: |
