Mənə müraciət edənlər haqqında bildiklərimi peşə sirri kimi qoruyacağam!
Insanlara gərəkli olduğumu dərk edərkən daim ixtisasımı, praktik hazırlığımı artıracaq, peşə fəaliyyətimi genişləndirəcək, şərəfli və məsuliyyətli psixoloq adına xələl gətirəcək heç bir hərəkətə yol verməyəcəyəm!
Andıma daim sadiq qalacağıma, heç vaxt, heç bir şəraitdə onu pozmayacağıma söz verirəm!
Təhsil sistemində praktik psixoloq vəzifəsinə iddiaçı olan hər bir şəxsə müəyyən ixtisas tələbləri verilir. Hər şeydən əvvəl bu vəzifədə çalışan şəxs xüsusi ali psixoloji təhsilə və ya ali təhsillə birgə xüsusi ixtisas təhsilinə malik olmalıdır. Belə diplom universitetlərin “Psixologiya” fakültələrinin və digər ali məktəblərin “Təhsil sistemində praktik psixoloq” ixtisası almış məzunlarına və ali məktəblərdə hazırlıq keçmiş yenidənhazırlanma fakültələrinin məzunlarına verilir.
