Özünüqiymətləndirmənin quruluşunun koqnitiv və affektiv məzmunu ayırd edilir. Koqnitiv komponentlə özünü başqaları ilə müqayisə etmək, affektiv komponentlə özünümüdafiə ilə bağlı olaraq yaranan eqoist qiymətləndirmə elementləri aiddir.
Empatiyanın inkişafı. Empatiyanın inkişafı affektiv sfera ilə sıx bağlıdır. Affektiv sfera dedikdə uşağın emosionallığı başa düşülür. Inkişafın gedişində məhz emosional aləmi dəyişməsi, yeniləşməsi, sosiallaşma səviyyəsi haqqında fikir yürütməyə imkan verir. Məktəbəqədər yaş dövrü, ümumiyyətlə, dərketmə emosiyalarının hökmranlıq etdiyi bir dövrdür. Buraya təəccüb, həvəs, tərəddüd, təşviş və s.daxildir. Onu asanlıqla təsirləndirmək, qorxutmaq, sevindirmək, inandırmaq mümkündür. A.A.Reana isə göstərir ki, onlar “emosional yoluxmaya” meyllidirlər.
