Motivasiyanın inkişafına oyunun təsirləri.Uşaqda motivasiya sahəsinin yaranması onun oyun fəaliyyəti ilə birbaşa bağlıdır. Oyun, uşağın ünsiyyət, sərbəstlik, bərabərhüquqluluq, toplanmış enerjinin sərfi, əylənmək, ətraf aləmin dərki kimi tələbatlarını ödəyir. D.Elkonin oyun prosesində uşaqların motivasiya sahəsində 2 mühüm xüsusiyyətin formalaşdığını iddia edir. Birincisi, oyun zamanı situativ motivlərin əsas motivlərə tabe edilməsi prosesi gedir. Ikincisi, əsas motivlərin özlərinin də daha yüksək, uşağın öz üzərinə rollar götürməsilə bağlı olan tiplərinin formalaşması baş verir.
