| 3. “Çətin” yeniyetmələrlə aparılan psixodiaqnostik və psixokorreksiya işləri .
Məktəbdə “çətin” yeniyetmələrlə işin təşkil olunmasında əsas məsuliyyət məktəb psixoloqunun üzərinə düşür. Psixoloji yardıma yalnız “çətin” intizamsız yeniyetmələr deyil, müvəffəq qiymətlərlə oxuyan, intizamlı, nəzakətli şagirdlərə də ehtiyac duyulur.
Psixoloqlar belə hesab edirlər ki, çətin tərbiyə olunma uşağın müsbət emosional təcrübəni mənimsəməkdə kütlüyünün, tərbiyəvi təsirləri qavramaqda qabiliyyətsizliyinin və ya bu təsirlərə qarşı müqavimətinin nəticəsidir.
Pedaqoji təcrübələr və real həyat göstərir ki, istər pedaqoqlar, istərsə də valideynlər belə uşaq və yeniyetmələrlə tərbiyə işinin təşkilində adətən eyni tərbiyə metodlarından, əsasən də, sınaq və səhvlər metodlarından istifadə edirlər. Əslində isə, çətin, davranışı qüsurlu uşaq və yeniyetmələrin davranış qüsurları psixoloji təbiətinə görə heç də eyni deyildir. Adətən müəllimlər çətin tərbiyə olunan uşaqların davranış qüsurlarının əsil səbəblərini və motivlərini öyrənmədən belə uşaqlarla yenidəntərbiyə işini təşkil etməklə bu cür davranışın xarici təzahürlərini aradan qaldırmağa çalışırlar.
Dostları ilə paylaş: |
