İnformasiyanın qorunub-saxlanılması kompüterlərin ən vacib funksiyalarından biridir.
Belə qorunub saxlanmanın ən çox yayılmış növü verilənlər bazasıdır.
Verilənlər bazası (VB) müəyyən şəkildə strukturlaşdırılmış informasiyadan təşkil olunmuş xüsusi formatlı fayldır.
Verilənlər bazası eyni yerdə saxlanılan, bir-biri ilə qarşılıqlı əlaqədə olan və müxtəlif istifadəçilər tərəfindən müxtəlif məqsədlər üçün istifadə olunan məlumatlar yığımıdır.
Verilən- predmet sahəsinin obyektlərini, prosesslərini və gerçəkliklərini xarakterizə edən ayrı-ayrı cəhətlərdir, atributlardır.
Verilən- bazaya daxil ediləcək informasiya vahididir, elementidir.
Bildiyimiz kimi cədvəl strukturda verilənlərin strukturu sətir və sütunların kəsişməsi ilə müəyyən olunur.