MagistranttíŃ oqíw- metodikalíQ, ilimiy izertlew hám pedagogikalíQ Ámeliyat iskerligi boyínsha kalendarlíq jobasí

3. Ilimiy pedagogikalıq jumıslar.
Kafedranıń jetekshi professor-oqıtıwshılarınıń oqıw shınıǵıwlarına qatnasıp bardım. Pánler boyınsha pedagogikalıq texnologiyalardı islep shıǵıw hám oqıw-metodikalıq islenbelerdi tayarlawda qatnastım. Bakalavriat talabaları menen oqıw-másláhát hám tárbiyalıq islerin ótkerdim. Ekinshi semestrdegi oqıw dáwiri dawamında kóplegen pedagogikalıq metodlardı paydalanıwdı úyrenip aldım.


4. I Bap. MAGISTRLIK DISSERTACIYASÍN ORÍNLAWDÍŃ
KALENDARLÍQ JOBASÍ.
Ózbekstan Respublikası Prezidenti Sh.Mirziyoevtıń 2017 jılı 9-sentyabr`degi «Mektepke shekemgi bilimlendiriw sistemesın tùp tiykarınan jetilistiriw ilájları haqqında»ǵı PQ-3261-sanlı qararı biziń sociallıq ómirimizdi dáwir talabına say jańa basqıshqa kóterdi. Sebebi biziń jarqın keleshegimizdi dawam ettiriwshi jas nárestelerimizdiń tárbiyası hám olardı mektepke tayarlaw bùgingi kùnimizdiń eń baslı wazıypası hám keleshegimizdiń tiykarı boları anıq.
Hùrmetli Prezidentimizdiń bul qararı mektepke shekemgi tárbiya hám bilimlendiriw sistemesın tez pát penen zaman talabına say jetilistiriw, jedel rawajlandırıw olardıń materiallıq texnikalıq bazasın bekkemlew hám bunday tárbiya mákemeleriniń tarmaqların keńeytiw, olardı tereń bilim hám kónlikpege iye jetik mamanlıqtaǵı pedagog hám tárbiyashılar menen támiynlew, mektepke shekemgi jastaǵı balalardı mektepke tayarlaw baǵdarında tùpkilikli jańa dáwir kóz-qarasınan jantasıp, olardıń tálim-tárbiyalıq jumıslarınıń jańa dáwir hám milliy qádriyatlarımızdıń eń joqarı sıpattaǵı qaǵıydaların qamtıytuǵın baǵdarlamaların, texnologiyaların islep shıǵıw hám jumıs processine engiziw, sonday-aq usı islerdi ámelge asırıw ushın bul mektepke shekemgi bilimlendiriw mákemeleriniń sanın kóbeytiw, jańa binalar menen támiynlew, barlıq sharayatlardı jaratıw wazıypaları qolǵa alındı. Bul qarar tiykarında 2017-2021 jıllarǵa mólsherlengen jumıs baǵdarlaması boyɪnsha Mektepeke shekemgi bilimlendiriw tarawɪnda “Ilk qadam” oqɪw dástùru, “Erte hám mektepke shekemgi jastaģɪ balalardɪ rawajlanɪwɪna qoyɪlatuģɪn mámleketlik talaplar”, 2019-jɪlɪ may ayɪnda qabɪl etilgen PQ-4312 qararɪ “Ózbekstan Respublikasɪnda mektepke shekemgi tálimdi 2030-jɪlģa deyin rawajlandɪrɪw koncepciyasɪ”, MK-391 qararɪ “Mektepke shekemgi bilimlendiriw shólkemleriniń iskerligin jáne de jetilistiriw is-ilájlarɪ” haqqɪdaģs qararlarɪ mektepke shekemgi bilimlendiriw trawɪ rawajlandɪrɪw boyɪsha jáne ùlken wazɪypalardɪ belgiledi.
Hár tárepleme rawajlanģan insandı tárbiyalawda xalıq pedagogikasınıń bay tájriybelerinen, sonday-aq tálim-tárbiyanıń jańa forma hám usılların, házirgi zaman pedagogika ilimlerininń jetiskenliklerin eńgiziw, bular arqalı balalarda qızıģıwshılıq, erkin pikirlew, óz betinshe dóretiwshilik, olardı miynetke tárbiyalaw, jáne de hár tárepleme rawajlandırıw biziń baslı maqsetimiz.
Mektepke shekemgi jastaģı balalarģa tárbiya beriwdiń baslı maqseti – bul hár bir jas áwládtı hár tárepleme aqılıy jaqtan rawajlandırıw, olardı keleshegimizdiń qurılısshıları sıpatında jámiyetimizge krekli shaxs etip tárbiyalaw názerde tutılmaqta. Mámleketimizde joqarı hám orta arnawlı tálim dástúri qayta qurıwdıń eń áhmiyetli wazıypaları joqarı maģlumatlı kadrlardı tayarlawdı, bilimlerin shuqır ámeliy tayarlıq penen qosıp alıp barıw zárúrligi kórsetilip ótilgen.
Bolajaq tárbiyashılarģa balalar baqshasında balalar menen alıp barılatuģın islerine ulıwma teoriyalıq máselelerin ashıp berer eken, mektepke shekemgi tárbiyanıń maqsetin hám wazıypaların, mazmunın, olardıń forma hám metodların tańlaw nızamlıqların belgilewdi názerde tutadı.
Mektepke shekemgi tárbiya mekemelerinde balalardıń turmısın mazmunlı etip shólkemlestiriw, olardıń waqıtların paydalı hám qızıqlı etip, olardıń erkin pikirlewin rawajlandırıw, olardı fizikalıq jaqtan rawajlandırıw, olardı úlkenler miyneti menen tanıstırıw, olardıń dóretiwshiligin rawajlandırıw ushın sharayatlar jaratıw tárbiyashı-pedagoglardıń aldında turģan áhmiyetli wazıypalardıń bir bolıp esaplanadı.
Demek, tárbiyashınıń baqshada balalar menen jaqınnan qarım-qatnasta bolıp, tárbiya jumısların jáne de bekkemlew, tárbiyanıń jańasha usılların, formaların, metodların engiziw arqalı hám de ata-analar menen birgelikte tálim-tárbiya jumısların alıp barılsa aldıģa qoyılģan maqsetlerge erisiwde jaqsı nátiyjelerge erisemiz.