«magistratura hazirliği məRKƏZİ» Əlyazması hüququnda

19 
 
Material-istehsalat ehtiyatlarının hər birbüraxılışından sonra anbardan 
tərəfindən limitin qalığı çıxarılır və kartlar, ehtiyatların hərəkətini uçota almaq 
üçun mühasibata təhvil verilir. Onlar material dəyərlərinin istifadəsinə qabaqcadan 
nəzarəti həyata keçirmək üçün vasitə sayılır.
Limit-zabor kartlarından istifadə olunması uçotun əmək tutumunu azaldır və 
birdəfəlik tələbnamələrin yazılması zərurətin aradan qaldırır. Sexlər tərəfindən 
istehakl olunan ehtiyatların nomenklaturu məhdud olduqda kvartallıq limit-zabor 
kartlarının tətbiqi daha səmərəlidir. 
Beləliklə, material-istehsalat ehtiyatlarının buraxılışının limitləşdirilməsi 
müəssisələrn idarə olunması sistemində mühüm amildir. Eyni zamanda, qeyd 
etmək lazımdır ki, sexlər tərəfindən istehsalat tapşırıqları yernə yetirilmədikdə, 
limit-zabor kartlarının nəzarət əhəmiyyəti xeyli aşağı düşür. Belə hallarda sex 
ümumi limiti gözləməklə, məhsul vahidinə düşən müvafiq ehtiyatlar üzrə artıq 
xərcə yol verə bilər. Belə ki, materialların limitlə müəyyənləşdirilən miqdarı az 
həcmdə istehsal olunan məhsula sərf olunur. 
Material-istehsalat ehtiyatlarının mərkəzləşmiş qaydada anbardan işçi 
yerlərinə və yaxud sexlərin anbarlarına buraxılmasının sənədlərlə rəsmiyyətə 
salınması sistemi olduqca səmərəlidir. Bu zaman istehsalat üçün zəruri olan 
miqdarda ehtiyatlar norma əsasında limitləşdirilir və buraxılış limiti bilavasitə işçi 
bölmələrinə çatdırılır. Belə hallarda material-istehsalat ehtiyatlarının anbardan 
buraxılışı üçün əsas operativ sənəd plan-kart hesab olunur. Bu sənədə əsasən anbar, 
sexin tələbnaməsini gözləmədən aylıq limit hüdudunda buraxılış limiti yazıpr və 
zəruri ehtiyatları sexlərə çatdırır. Plan-kartların limit-zabor kartlarından başlıca 
üstünlüyü ondadır ki, bu sənəd istehsalat bölmələrini müəyyən müddətlərdə 
materiallarla planauyğun surətdə təmin edir. 
Komplekt detalların yığma və emal sexlərinə buraxılışı xüsusi anbarlarda 
həyata keçirilir və komplektləşdirmə vedomostu ilə rəsmiləşdirilir. Belə 
vedomostlardan istifadə olunması yazılası sənədlərin miqdarının ixtirsarına, habelə 

---