«magistratura hazirliği məRKƏZİ» Əlyazması hüququnda
Yüklə 0,52 Mb. Pdf görüntüsü
|
| 73
fəaliyyətinin gedişi ilə əlaqədar tərtib olunmuş sənədləri mühasibata qrafikdə nəzərdə tutulan müddətdə təhvil vermirlər. Nəticədə xammal və materialların normadan artıq sərf olunmasının qarşısını operativ surətdə almaq mümkün olmur. 3. Material resurslarının müəssisəyə daxil olması, istifadəsi, qalıqları, məsrəf normaları haqqında məlumatlar bu sahədə nəzarət işini düzgün təşkil etməyə ikan verir. Çox təəssüf ki, bir çox sənaye müəssisələrində, o cümlədən tədqiqat işi aparılan müəssisədə yuxarıdakı məlumatları operativ şəkildə əldə etmək demək olar ki mümkün deyil. Buna uçotun avtomatlaşdırılması yolu ilə nail olmaq olar. Bunun üçün müəssisədə mühasiblərin və digər müvafiq xidmət işçilərinin avtomatlaşdırılmış iş yerlərinin, vahid kompüter informasiya sisteminin məlumat bankı yaratmaq lazımdır. Material resursları ilə əlaqədar uçotun informasiyasını məlumat bankına daxil etmək və onları istənilən vaxt displey vasitəsilə müşahidə etmək olar; 4. Material resurslarından səmərəli istifadə olunmasının ən başlıca yollarından biri də geri qaytarılan tullantılardan istifadə olunmasının təşkilidir. Ancaq təcrübədə çox vaxt bu cür tullantılar uçotdan kənarda qalır. Tullantıların uçota alınmasının mükəmməl metodikası indiyə qədər işlənib hazırlanmamışdır; 5. Materialların uçotunun düzgün aparılması anbar təsərrüfatının vəziyyəti və orada ilkin sənədlərin tələb olunan qaydada aparılmasından bilavasitə asılıdır. Bu barədə çoxlu təlimat və göstəricilərin olmasına baxmayaraq, anbar təsərrüfatı və uçotu təminedici səviyyədə aparılmır. Qiymətlərin qeyri-sabit olduğu indiki şəraitdə yaxşı olardı ki, anbarlardakı mal-material qiymətliləri vaxtaşırı inflyasiyanı nəzərə alaraq yenidən qiymətləndirilsin; 6. Müəssisədə məhsul buraxılışı sisteminin təşkilinin tələbata cavab verməsi böyük əhəmiyyət kəsb edir. Belə ki, müəssisədən istehsalat ehtiyatlarının çıxarılması yalnız təchizat sexinin rəisinin, baş mühasibin və yaxud onun müavininin imzaladıqları buraxılış vərəqələrinə əsasən həyata keçirilməlidir. Odur ki, mühafizə işçilərndə həmin vəzifəli şəxslərin imzalarının nümunələrinin olması vacib məsələlərdəndir; |