| Sirkonium 2 oksidi ZrO2 - şüşənin (bütün əsas oksidlər nisbətən) kimyəvi davamlılığını artırır, termiki genişlənmə əmsalını daha çox azaldır, buna görə də termiki və kimyəvi davamlı şüşələrin istehsalında tətbiq edilir. Kalsium oksidini ZrO2 ilə əvəz etdikdə şüşənin mexaniki xassələri yaxşılaşır, dağılmağa və sıxılmağa qarşı müqaviməti tədricən artır, kövrəkliyi azalır. Yüksək sındırma əmsalına görə sirkonium oksidi optiki şüşənin komponentlərindən birini təşkil edir.
ZrO2 sənaye şüşəsinin tərkibinə məhdud şəkildə (0,5-5 çəki %-i) daxil edilir, bu da onun intensiv səs boğucu olmasının nəticəsidir.
Sirkonium oksidi yüksək keyfiyyətli odadavamlı material olduğundan (ərimə temperatur 2700C), kimyəvi təsirlərə qarşı əhəmiyyətli dərəcədə davamlı olduğundan onu müxtəlif odadavamlı məmulatların hazırlanmasında tətbiq edirlər.
Sirkonium oksidi üçün xammal sirkoniumlu baddelit – təmiz ZrO2 və sirkonium, slikat – 67,23% ZrO2 və 32,77% SiO2 – hesab edilir.
Torium oksidi ThO2 (molekul çəkisi 264,12). Optiki şüşələrin və odadavamlı şüşələrin istehsalında tətbiq edilir.
Dostları ilə paylaş: |
