2.3. Şüşənin tərkibinə torpaq-qələvi və digər oksidləri daxil etmək üçün istifadə edilən xammallar
Belə materiallara qələvi tərkibli dağ süxurları aiddir: nefelinli sienit, traxit, andezit, vulkan külü, pemza, həmçinin kaolin, çöl şpatı, natrium-slikat, şüşə qırıntıları və s. Şüşə istehsalında tətbiq olunan dağ süxurlarının tərkibində əsas şüşə yaradıcı oksidlər vardır: SiO2CaO, Na2O. Lakin onların miqdar nisbəti adi şüşə tərkibindəkindən fərqlidir. Buna görə də verilmiş tərkibdə şüşənin alınması üçün dağ süxurunun kimyəvi tərkibi müəyyən edildikdən sonra ona çatışmayan bu və ya digər oksidi əlavə etmək lazımdır.
Dağ süxurunun ən qiymətli tərkib hissələrindən biri qələvidir – 5-19%. Bundan başqa dağ süxurlarının tərkibində 1-14% dəmir oksidi, 12-30% alüminium, həmçinin 1-5% maqnezium və kalsium oksidi vardır.
Dağ süxurlarından alınmış şüşətərkibində xeyli miqdarda alüminium olmaqla çətin əriyən olması ilə xarakterikdir, özlülüyü çoxdur, tez laxtalanmaya meyillidir, kəskin temperatur dəyişmələrinə davamlıdır, həmçinin turşu və qələvilərə qarşı davamlıdır.
Dostları ilə paylaş: |
