1.2.Cəmiyyətin hüquqi ünvanı " PAŞA Həyat Sığorta" ASC-in hüquqi ünvanı aşağıdakı kimidir: Azərbaycan Respublikası, Bakı şəhəri, Nəsimi rayonu L.Tolstoy küçəsi 170.
1.3.Əməliyyat valyutası Hazırkı maliyyə hesabatlarındakı məbləğlər Azərbaycan Manatı (AZN) ilə ifadə olunmuşdur.
2.Cəmiyyətin əməliyyat mühiti Azərbaycan Respublikası inkişaf etməkdə olan bazar iqtisadiyyatına xas olan xüsusiyyətlərə malikdir. Son illər ölkədə güclü iqtisadi artım müşahidə olunmuşdur. Lakin hal-hazırda dünya iqtisadiyyatında mövcud olan qlobal maliyyə böhranı Azərbaycana da öz təsirini göstərməkdədir. Kommersiya sektoruna təsir göstərə biləcək bütün tendensiyaları, eləcə də onların Cəmiyyətin maliyyə vəziyyətinə təsirini (əgər varsa) qabaqcadan proqnozlaşdırmaq mümkün deyil.
2015-ci ildə Azərbaycan Respublikasının milli valyutası 2 dəfə devalivasiyaya uğramışdır.Nəticədə şirkətin xarici valyutada banklarda yerləşdirdiyi əmanət müqavilələri üzrə yüksək məzənnə fərqi gəliri yaranmışdır ki, bu da öz növbəsində şirkətin maliyyə nəticələrinə əhəmiyyətli təsir etmişdir.
