Malta debates tal-kamra tad-deputati (Rapport Ufficjali u Rivedut)

ABBOZZ TA' LIĠI DWAR L-APPROPRJAZZJONI (1997)

APPROPRIATION (1997) BILL

MADAM SPEAKER: Dan l-Abbozz ta' Liġi huwa eżenti mill-pubblikazzjoni skond l-Ordni Permanenti Nru. 82 u bis-saħħa tal-Mozzjoni Nru. 37 tal-15 ta' Jannar 1997, jistgħu jittieħdu l-istadji kollha fl-istess seduta.
Il-Ministru tal-Finanzi jekk jogħġbu jressaq it-Tieni Qari ta' l-Abbozz ta' Liġi dwar l-Approprjazzjoni għas-sena 1997.
ONOR. LINO SPITERI: Sinjura President, nipproponi t-Tieni Qari ta' l-Abbozz ta' Liġi dwar l-Approprjazzjoni (1997).
MADAM SPEAKER: Min jissekonda jekk jogħġobkom?
ONOR. EDWIN S. GRECH: Nissekonda.
MADAM SPEAKER: Il-mistoqsija hi li l-Abbozz ta' Liġi msejjaħ "Att għall-approprjazzjoni ta' somma ta' mhux iżjed minn erba' mija u tliet miljuni, disa' mija u sebgħa u ħamsin elf, mija u wieħed u ħamsin liri Maltin għas-servizz tas-sena finanzjarja 1997" ikun moqri t-tieni darba. Dawk favur? (Onor. Membri: Aye) Dawk kontra? (Onor. Membri: No) Carried.
Il-mozzjoni għaddiet u l-Abbozz ta' Liġi dwar l-Approprjazzjoni (1997) inqara t-Tieni Darba.
L-ordni għall-Kumitat ġie moqri.
FIL-KUMITAT
L-Onor Michael Bonnici, President tal-Kumitati, jippresjedi.
THE CHAIRMAN: Skond il-Mozzjoni Nru. 37 tal-15 ta' Jannar, 1997 se ngħaddi biex inpoġġi l-mistoqsija fuq kull klawsola ta' dan l-Abbozz ta' Liġi mingħajr diskussjoni.
Klawsola 2 u l-Iskeda, klawsola 1 u t-Titolu għaddew u ġew ordnati biex isiru parti mill-Abbozz ta' Liġi.
Il-Kamra rriżumiet u l-President tal-Kumitati rrapporta l-Abbozz ta' Liġi mgħoddi mingħajr emendi.
MADAM SPEAKER: Il-Ministru ta' l-Ekonomija u l-Finanzi jekk jogħġbu jressaq it-Tielet Qari ta' dan l-Abbozz ta' Liġi.


ONOR. LINO SPITERI: Sinjura President, nipproponi t-Tielet Qari ta' l-Abbozz ta' Liġi dwar l-Approprjazzjoni 1997.
MADAM SPEAKER: Min jissekonda jekk jogħġobkom?
ONOR. JOE MIZZI: Nissekonda.
MADAM SPEAKER: Il-mistoqsija hi li l-Abbozz ta' Liġi msejjaħ "Att għall-approprjazzjoni ta' somma ta' mhux iżjed minn erba' mija u tliet miljuni, disa' mija u sebgħa u ħamsin elf, mija u wieħed u ħamsin liri Maltin għas-servizz tas-sena finanzjarja 1997" ikun moqri t-Tielet Darba. Dawk favur? (Onor. Membri: Aye) Dawk kontra? (Onor. Membri: No) Carried.
Il-mozzjoni għaddiet u l-Abbozz ta' Liġi nqara t-Tielet Darba u għadda.

ESTIMI SUPPLIMENTARI 1996

MOZZJONI BIEX IL-KAMRA TMUR F'KUMITAT TA' PROVVISTA GĦALL-KONSIDERAZZJONI TA' L-ESTIMI SUPPLIMENTARI 1996

MADAM SPEAKER: Skond il-Mozzjoni Nru. 37 tal-15 ta' Jannar 1997, il-Kamra issa tgħaddi għall-Konsiderazzjoni ta' l-Estimi Supplimentari għas-sena 1996 fl-istadji kollha. Il-Ministru ta' l-Ekonomija u l-Finanzi.
ONOR. LINO SPITERI: Sinjura President, għandi Messaġġ mingħand il-President ta' Malta.
MADAM SPEAKER: Se naqra l-Messaġġ ta' l-Eċċellenza Tiegħu l-President:

UGO MIFSUD BONNICI

PRESIDENT
Il-President jirrakkomanda lill-Kamra tad-Deputati n-nefqa mill-Fond Konsolidat ta' somma ta' mhux iżjed minn dsatax-il miljun, seba' mija u tlett elef u seba' liri Maltin (Lm19,703,007) għas-servizz tas-sena finanzjarja 1996 kif dettaljata fl-Iskedi hawn mehmuża.

Il-President jirrakkomanda wkoll l-Abbozz ta' Approprjazzjoni meħtieġ.

21 ta' Frar 1997
ONOR. LINO SPITERI: Madam Speaker, nipproponi:
Illi l-Kamra tmur f'Kumitat ta' Provvista għall-konsiderazzjoni ta' l-Estimi Supplimentari 1996, kif dettaljata fl-Iskedi hawn mehmuża.
MADAM SPEAKER: Min jissekonda jekk jogħġobkom?
ONOR. CHARLES MANGION: Nissekonda.
MADAM SPEAKER: Il-mistoqsija hi l-mozzjoni kif imressqa u moqrija mill-Ministru tal-Finanzi. Dawk favur? (Onor. Membri: Aye) Dawk kontra? (Onor. Membri: No) Carried.
ONOR. MEMBRU: Division.
MADAM SPEAKER: Skond il-Mozzjoni Nru. 37 tal-15 ta' Jannar, 1997 din id-division tittieħed issa stess.
Għandi nifhem li għal din id-division hemm l-istess arranġamenti li kien hemm għad-division ta' qabel, jiġifieri li l-Onor. Mintoff ikun paired ma' l-Onor. John Vella.
VOTAZZJONI NRU. 22
FAVUR: 34
L-Onor.

Abela Carmelo	Farrugia Michael
Abela Joseph	Farrugia Noel
Agius Chris	Grech Edwin
Attard Montalto John	Gulia Gavin
Bartolo Evarist	Herrera Jose'
Borg Karmenu	Mangion Charles
Brincat Leo	Mizzi Joe
Buhagiar Charles	Pace Bertu
Buhagiar Louis	Portelli Alfred
Camilleri Maria	Refalo Anton
Cardona Chris	Sant Alfred
Chircop Karl	Sceberras Trigona Alex
Cilia Joe	Schembri Adami Sandro
Dalli Helena	Spiteri Lino
Debono Grech Joe	Vassallo Adrian
Farrugia Anglu	Vella George
Farrugia Joe	Vella Karmenu

KONTRA: 33
L-Onor.

Abela Tony	Galea Pace Victor
Agius Francis	Gatt Austin
Bonnici Josef	Gonzi Lawrence
Bonnici Michael	Hyzler George
Borg Joe	Mifsud Bonnici Antoine
Borg Tonio	Mugliett Jesmond
Cassar Joe	Muscat Claude
Dalli John	Muscat Richard
D'Amato Helen	Psaila Savona Joe
De Marco Guido	Pullicino George
Debono Giovanna	Pullicino Orlando Jeffrey
Deguara Louis	Refalo Michael
Farrugia Jean Pierre	Tabone Anton
Fenech Adami Eddie	Vassallo Edwin
Frendo Michael	Zammit Ninu
Galea Censu	Zammit Dimech Francis
Galea Louis

Il-mozzjoni għaddiet.
Kopja ta' l-Iskedi msemmija fil-Mozzjoni kienu tqassmu lill-Onor. Membri waqt is-Seduta Nru. 33 tad-19 ta' Frar, 1997.
Skond il-Mozzjoni Nru. 37 tal-15 ta' Jannar, 1987 il-Kamra għaddiet mingħajr diskussjoni l-istadji li kien baqa' dwar l-Estimi Supplimentari.

L-ordni għall-Kumitat ġie moqri.
FIL-KUMITAT
L-Onor Michael Bonnici, President tal-Kumitati, jippresjedi.

THE CHAIRMAN: Il-Ministru ta' l-Ekonomija u l-Finanzi.
ONOR. LINO SPITERI: Mr Chairman, nipproponi:
Illi somma ta' mhux iżjed minn dsatax-il miljun, seba' mija u tlett elef u seba' liri Maltin (Lm19,703,007) addebitata lill-Fond Konsolidat tiġi applikata taħt il-Voti kif dettaljati fl-Iskedi annessi għas-sena finanzjarja 1996.
THE CHAIRMAN: Il-mistoqsija hi r-Riżoluzzjoni kif imressqa u moqrija mill-Ministru. Dawk favur? (Onor. Membri: Aye) Dawk kontra? (Onor. Membri: No) Carried.
Ir-Riżoluzzjoni għaddiet.
Il-Kamra rriżumiet u l-President tal-Kumitati rrapporta li r-Riżoluzzjoni ġiet approvata mill-Kumitat ta' Provvista.