Malta debates tal-kamra tad-deputati

MISTOQSIJIET GĦAL TWEĠIBIET BIL-MIKTUB

MINISTERU TAL-GUSTIZZJA U KUNSILLI LOKALI - HOSPITALITY

W566. L-ONOR. AUSTIN GATT staqsa lill-Ministru tal-Gustizzja u Kunsilli Lokali: Jista' l-Ministru jghid kemm intefaq bhala hospitality mid-diskateru li ghalih hu responsabbli mill- 1 ta' Novembru,1996 sat-30 ta' April,1997, maqsum skond kull ministeru, segretarjat, dipartiment jew enti?
ONOR. CHARLES MANGION: L-informazzjoni mitluba hija din:-

	LM
Ministeru	6,958
Avukat Generali	3,066
Dipartiment tal-Kunsilli	1,778
Qrati ta' Malta	752

Dan l-infiq jinkludi l-attivitajiet li normalment isiru fi zmien il-festi tal-Milied.

MINISTERU TAT-TRASPORT U PORTIJIET - HOSPITALITY
W572. L-ONOR. AUSTIN GATT staqsa lill-Ministru tat-Trasport u Portijiet: Jista' l-Ministru jgħid kemm intnefaq bħala hospitality mid-dikasteru li għalih hu responsabbli mill-1 ta' Novembru, 1996 sat-30 ta' April, 1997, maqsum skond kull ministeru, segretarjat, dipartiment jew enti?
ONOR. JOE DEBONO GRECH: Jiena nformat li l-informazzjoni mitluba mill-Onor. Interpellant, u l-istess informazzjoni għas-sitt xhur bejn Novembru 1995 u April 1996, hija kif ġej:-

	1 ta' Novembru 1995 sat-30 ta' April 1996	1 ta' Novembru 1996 sat-30 ta' April 1997
	LM	LM
Ministeru għat-Trasport u Portijiet	10,698.00	8,980.00 (1)
Malta International Airport	720.52	3,832.23 (2)
Malta Maritime Authority	2,493.69	1,684.95
Dipartiment ta' l-Avjazzjoni Ċivili	733.50	742.73
Posta Limited	5926.22 (3)	5,517.63 (3)
Dipartiment tal-Liċenzji u t-Testijiet	xejn	xejn
Public Transport Authortiy	167.01	331.00
Il-Bord għall-Kontroll tat-Traffiku	xejn	xejn
Gozo Channel Co. Ltd.	2053.43	147.35

Noti:-
(1) Lm 4,208 kienu kontijiet pendenti fuq 'Hospitality' li saret qabel Ottubru, 1996.
(2) Jinkludu spejjeż ta' 'l fuq minn Lm3,000 għal żewġ konferenzi.
(3) Jinkludu spejjeż li jaqbżu Lm 4,000 għall-Istaff Party tal-Milied.


ĦAMRUN - WIRE TA’ L-ELETTRIKU

W610. L-ONOR. SANDRO SCHEMBRI ADAMI staqsa lill-Ministru tal-Finanzi u Kummerċ: Jista’ l-Ministru jara li l-wire tal-high tension li jinsab fi Triq San Fedele, Ħamrun ma jibqax mikxuf u joħloq ħsara u periklu speċjalment fix-xita?
ONOR. LEO BRINCAT: Nirriferi lill-Onor. Membru għat-tweġiba li ngħatat għall-mistoqsija parlamentari Nru. 5406.


VALLETTA - LATRINA

W614. L-ONOR.SANDRO SCHEMBRI ADAMI staqsa lill-Ministru tal-Gustizzja u Kunsilli Lokali: Jista' l-Ministru jara li l-latrina maghluqa ta' bejn St.Nicholas Street u Fountain Street, fil-Belt Valletta terga' tinfetah ghall-uzu tal-pubbliku turisti u Maltin?
ONOR. CHARLES MANGION: Ninforma lill-Onor. Interpellant biex jirriferi l-mistoqsija lill-kunsill lokali konċernat peress li t-talba taqa' taħt il-funzjonijiet mgħoddija lill-kunsilli lokali.


BANEK - FERGĦA F’TAL-PIETA’

W625. L-ONOR. SANDRO SCHEMBRI ADAMI staqsa lill-Ministru tal-Finanzi u Kummerċ: Jista’ l-Ministru jgħid x’sar mill-proposta oriġinali li jsir Bank kummerċjali għar-residenti ta’ tal-Pieta’/ G’Mangia?
ONOR. LEO BRINCAT: Minn żmien għall-ieħor il-Mid-Med Bank jistudja l-ħtieġa ta’ fergħat ġodda f’inħawi fejn għadu mhux irrappreżentat.
Dan il-post qiegħed ikun ikkonsidrat għal dan il-għan, flimkien ma’ nħawi oħra, fid-dawl ta’ l-istrateġija globali tal-Bank.


P.A. - APPLIKAZZJONI NRU. 1486/97

W626. L-ONOR. SANDRO SCHEMBRI ADAMI staqsa lill-Viċi Prim Ministru, Ministru għall-Affarijiet Barranin u ta' l-Ambjent: Jista' l-Viċi Prim Ministru, jara li l-persuna li d-dettalji tagħha qed nibgħathom separatament bl-applikazzjoni Nru. 1486/97 jingħata l-permess meħtieġ?
ONOR. GEORGE VELLA: Il-proċess ta' jekk jingħatax permess jew le ma jiddependix mill-Ministru u jiddependi mill-applikazzjoni ta' policies tal-Pjan ta' Struttura. Dan il-każ se jitressaq quddiem il-Kummissjoni għall-Kontroll ta' l-Iżvilupp nhar id-19 ta' Mejju, 1997.