Malta debates tal-kamra tad-deputati

ONOR. EVARIST BARTOLO: Il-proġett ta' l-Iskola ta' Sannat għadu qed jiġi evalwat.
GĦAWDEX - PUBBLIĊITA'

13119. L-ONOR. ANTON TABONE staqsa lill-Ministru tat-Turiżmu u s-Self-Employed: Jista' l-Ministru jgħid minn meta beda jkun hemm spazju riservat għal pubbliċita' fuq il-gżira ta' Għawdex fl-istand ta' l-NTOM fil-Fieri tat-Turiżmu f'Berlin u f'Londra?
ONOR. KARMENU VELLA: Għawdex minn dejjem ingħata pubbliċita' xierqa u kontinwa fl-attivitajiet tal-NTOM.
Barra minn hekk minn meta l-NTOM kellha stands kbar biżżejjed Għawdex ingħata wkoll spazju speċifiku għall-promozzjoni bħala prodott distint ta' l-offerta turistika tal-Gzejjer Maltin.


IMPJIEGI - REĠISTRAZZJONI GĦAX-XOGĦOL

13120. L-ONOR. ANTON TABONE staqsa lill-Ministru tal-Ħarsien Soċjali: Jista' l-Ministru jgħid kemm kien l-għadd ta' nies jirreġistraw għax-xogħol f'Għawdex fl-aħħar ta' Ġunju 1997 u kemm kien fl-aħħar ta' Diċembru 1997?
ONOR. EDWIN GRECH: In-numru ta' nies li kienu qed jirreġistraw għax-xogħol f'Għawdex fl-aħħar ta' Ġunju 1997 kien ta' 619 u dak fl-aħħar ta' Diċembru 1997 kien ta' 635.


PITKALIJA - XERREJJA

13121. L-ONOR. ĊENSU GALEA staqsa lill-Ministru tal-Biedja u Sajd: Jista' l-Ministru jagħti tagħrif dwar jekk hemmx xerrejja (bejjiegħa tal-ħaxix) li għandhom permess jidħlu jixtru qabel il-ħinijiet stabbiliti?
Jekk hemm, kemm hu n-numru tagħhom?
Mil-liema lokalitajiet huma dawk li għandhom tali permess?
ONOR. NOEL FARRUGIA: Ħadd m'għandu permess jidħol jixtri mill-Pitkalija qabel il-ħinijiet stabbiliti.


PA - PERMESSI TAL-BINI

13122. L-ONOR. ĊENSU GALEA staqsa lill-Vici Prim Ministru, Ministru għall-Affarijiet Barranin u ta' l-Ambjent.: Jista' l-Viċi Prim Ministru jagħti tagħrif dwar kemm kien in-numru ta' talbiet għall-permessi tal-bini quddiem il-Planning Authority li ġew rifjutati f'Ottubru u Novembru 1997, li talbu reconsideration u li din ir-reconsideration għadha sal-lum ma nstemgħetx?
F'liema lokalitajiet kienu dawn it-talbiet għal reconsideration?
X'wassal biex dawn it-talbiet għadhom ma nstemgħux ħames xhur wara li ntalbet reconsideration?
ONOR. GEORGE VELLA: Jinħtieġ aktar żmien sabiex tingħata l-informazzjoni.


PA - APPLIKAZZJONIJIET PENDENTI

13123. L-ONOR. ĊENSU GALEA staqsa lill-Vici Prim Ministru, Ministru għall-Affarijiet Barranin u ta' l-Ambjent.: B'riferenza għar-risposta għall-mistoqsija parlamentari numru 12773, jista' l-Ministru jagħti tagħrif dwar jekk fil-fatt minn jitlob li jkun preżenti għal-laqgħat tad-DCC ( u qabel talbiet bħal dawn kienu jeżistu biex l-applikant ikun jista' jitkellem mhux biex joqgħod iħares) jistax jattendi għal dawn il-laqgħat u jista' jara li jiġi assigurat li min jitlob li jattendi dawn il-laqgħat ikun jista' jitkellem?

ONOR. GEORGE VELLA: Li applikant jitkellem waqt il-laqgħa tad-DCC dejjem kienet fid-diskrezzjoni taċ-Chairman. Li ġara kien li ttieħdet drawwa li l-fatt li titlob li tkun preżenti kien ifisser li kienet talba biex titkellem waqt il-laqgħa. Dan kien qed jirriżulta f'dewmien esaġerat t'applikazzjonijiet li għalkemm ikunu nħadmu kienu jkunu qed jistennew biex ikunu deċiżi mid-DCC.
Din id-diffikulta kienet sorpassata permezz li jintbagħat ir-rapport tal-Case Officer lill-applikant li għandu dritt jissottometti l-argumenti tiegħu. Dawn l-argumenti jkunu mehmużin ma' l-aġenda li tingħata lil kull membru tad-DCC ġimgħa qabel.


AUBERGE D'ITALIE - XOGĦLIJIET

13124. L-ONOR. ĊENSU GALEA staqsa lill-Ministru tal-Finanzi u Kummerċ: Jista' l-Ministru jagħti tagħrif dwar jekk inħolqux xi diffikultajiet dwar il-ħlas tax-xogħol li qed isir fl-Auberge d'Italie mill-flus tal-protokoll ma' l-Italja?
ONOR. LEO BRINCAT: La l-Ministru tal-Finanzi u lanqas dak tat-Turiżmu u Self-Employed ma jafu li nħolqu xi diffikultajiet dwar il-ħlas tax-xogħol li ser isir fl-Auberge d'Italie.


AUBERGE D'ITALIE - XOGĦLIJIET

13125. L-ONOR. ĊENSU GALEA staqsa lill-Ministru tax-Xogħlijiet Pubbliċi u Kostruzzjoni: Jista' l-Ministru jagħti tagħrif dwar jekk ix-xogħol li qed isir fl-Auberge d'Italie hux qed isiru taħt is-superviżjoni tad-Dipartiment tax-Xogħlijiet?
Min qed iwettaq ix-xogħol?
Kemm hi l-istima tax-xogħol?
Jista' l-Ministru jgħid jekk fil-fatt kienx informat biex il-ħlas ta' dan ix-xogħol ikun jista' jitħallas mill-flus tal-protokoll Taljan?
ONOR. CHARLES BUHAGIAR: Ix-xogħol fl-Auberge d'Italie qed isir taħt is-superviżjoni tat-Taqsima tax-Xogħlijiet.
Ix-xogħol ta' alterazzjonijiet strutturali, plumbing u drains qed isir mill-ħaddiema tad-Dipartiment tal-Kostruzzjoni u Manutenzjoni. Ix-xogħlijiet l-oħra ta' finishing u servizzi qed isir mill-kuntratturi li ħadu x-xogħol b'offerti pubbliċi.
L-istima tax-xogħol tal-kuntratturi u l-ħaddiema tal-gvern huwa ta' madwar nofs miljun lira Maltin (Lm500,000)
Dwar l-aħħar parti tad-domanda, nitlob lill-Onor. Interpellant jagħmel din il-mistoqsija lill-Ministru kkonċernat.


ĊANGA FRISKA

13126. L-ONOR. ĊENSU GALEA staqsa lill-Ministru tal-Biedja u Sajd: B'riferenza għar-risposta għall-mistoqsija parlamentari numru 12930, jista' l-Ministru jagħti indikazzjoni dwar kemm mill-qatla ndikata fir-risposta, fil-fatt ġiet ikkonsmata friska, u kemm minnha għaddiet għall-ipproċessar f'kull xahar indikat fir-risposta?
ONOR. NOEL FARRUGIA: L-informazzjoni għas-sena 1996 qed tinġabar.
Għas-snin 1997 u 1998, l-Informazzjoni hi kif tidher hawn:

Canga Lokali Canga Lokali

1997 kkonsmata friska(kilos) Ghall-Ipprocessar (Kilos)

Jannar 116,747 39,123

Frar 90,901 42,148

Marzu 104,143 35,118

April 93,382 70,304

Mejju 84,387 39,329

Ġunju 97,328 46,753

Lulju 81,742 42,872

Awissu 80,176 40,645

Settembru 113,418 51,782

Ottubru 97,061 41,258

Novembru 96,700 44,611

Dicembru 118,808 42,778
1998

Jannar 98,112 45,633

Frar 93,157 38,549


CHADWICK LAKES

13134. L-ONOR. JOE CASSAR staqsa lill-Vici Prim Ministru, Ministru għall-Affarijiet Barranin u ta' l-Ambjent.: Jista' l-Viċi Prim Ministru jgħid jekk l-Awtorita' ta' l-Ippjanar qattx wettqet xi ħidma fl-inħawi taċ-Chadwick Lakes?
ONOR. GEORGE VELLA: Jista', jekk jogħġbu l-Onor. Interpellant jispeċifika x'tip ta' ħidma qiegħed jirreferi għaliha.


QRATI - SENTENZI

13135. L-ONOR. JOE CASSAR staqsa lill-Ministru tal-Ġustizzja: Jista' l-Ministru jieħu ħsieb li jiġu ppubblikati s-sentenzi tal-Qrati Maltin għal dawk is-snin bejn l-1970 - 1990 li għadhom biss fl-arkivji tal-Qrati?
ONOR. GAVIN GULIA: Ninforma lil l-Onor. Interpellant li hemm kumpannija privata, il-Legal Publishing Enterprises Ltd li qed tieħu ħsieb dak li qed jissuġġerixxi.

LIĠIJIET TA' MALTA - KAPITOLU 158

13136. L-ONOR. JOE CASSAR staqsa lill-Ministru tal-Ġustizzja: Jista' l-MInistru jgħid kemm ġew dekontrollati fondi matul dawn l-aħħar għaxar snin, sena b'sena skond il-provvedimenti tal-Kapitolu 158 tal-Liġijiet ta' Malta u taħt liema subartikolu ta' l-artikolu 3 ta' l-istess kapitolu?
Jista' l-Ministru jgħid ukoll kemm kien hemm applikazzjonijiet pendenti għad-dekontroll fl-aħħar ta' Frar, 1998?
ONOR. GAVIN GULIA: Ninforma lil l-Onor. Interpellant li n-numru ta` Decontrol Certificates li nħarġu mir-Reġistru Pubbliku skond il-provvedimenti tal-Kapitolu 158 tal-liġijiet ta` Malta u taħt liema subartikolu ta` l-artiolu 3 ta` l-istess kapitolu tul is-snin 1988 -1997 huma dawn :
SENA Sezzjoni

A B C D E F TOTAL
1988 399 - 15 114 - 35 563

1989 377 - 18 65 9 463 932

1990 342 - 17 42 56 301 756

1991 445 3 21 35 37 278 819

1992 375 1 15 48 42 214 695

1993 421 - 11 47 57 182 718

1994 342 - 7 19 36 174 578

1995 195 - 3 18 7 87 310

1996 48 - 3 5 8 29 93

1997 71 - 2 4 28 27 132
L-istatistika għas-sena korrenti sa Frar 1998 hija 20.
Hemm 14 il-applikazzjoni li huma pendenti pero dawn diġa` ġew proċessati mid-Dipartiment.