ONOR. DAVID AGIUS: Jista’ l-Ministru jgħid lil din il-Kamra jekk għandux il-ħsieb li l-Aġent Direttur finalment isir direttur tal-Faċilità Korrettiva ta’ Kordin jew jekk hemmx xi ħsebijiet oħrajn?
MR SPEAKER: Il-Ministru Emanuel Mallia.
ONOR. EMANUEL MALLIA: Fil-fatt kien hemm diversi sejħiet imma ma kienx hemm min applika għalihom. Illum hemm l-Aġent Direttur u għall-mument inħoss li l-Faċilità Korrettiva ta’ Kordin qed tiġi imexxiha tajjeb ħafna. Ovvjament huwa l-ħsieb tal-Gvern li jappunta Direttur għal din il-faċilità.
MR SPEAKER: L-Onor. David Agius, mistoqsija supplimentari.
