ONOR. LEO BRINCAT: Ngħarraf lill-Onor. Interpellant illi skont l-informazzjoni li għaddewli mill-Uffiċċju tas-Segretarjat Parlamentari, il-kwota tat-tonn għal Malta qatt ma nqabżet. Jidher li l-Onor. Interpellant qed jagħmel użu minn figuri tal-qabda tat-tonn ta’ din is-sena ppubblikati mill-Uffiċċju Nazzjonali tal-Istatistika li jinkludu l-ħut maqbud ħaj għall-akkwakultura, filwaqt li dawk tas-sena ta’ qabel kien jinkludu biss it-tonn maqbud mis-sajjieda tradizzjonali permezz tal-konz.
TANKER LI “ĦARAB” MINN MALTA - INVESTIGAZZJONI W324. L-ONOR. ĊENSU GALEA staqsa lill-Ministru għat-Trasport u l-Infrastruttura: Billi issa għaddew diversi xhur minn mindu tanker 'ħarab' mill-ibħra Maltin u suppost li saret investigazzjoni dwar x'ġara f'dan il-każ, jista' l-Ministru jagħti tagħrif dwar x'irriżulta minn dawn l-investigazzjonijiet?
ONOR. JOE MIZZI:Nitlob lill-Onor. Interpellant jirreferi l-mistoqsija tiegħu lill-Uffiċċju tal-Prim Ministru.
