ONOR. ROBERT CUTAJAR: Ma jaħsibx il-Ministru li l-fatt li qed nitkellmu fuq fondi pubbliċi u f’ġieħ it-trasparenza, għandu jagħti aktar dettalji minn din ir-risposta li għadu kif ta?
MR SPEAKER: Il-Ministru Anton Refalo.
ONOR. ANTON REFALO: Naħseb li kont trasparenti biżżejjed u naħseb ukoll li l-mistoqsija sussegwenti turi l-ammont li ntnefaq.
MR SPEAKER: L-Onor. Francis Zammit Dimech, mistoqsija supplimentari.
ONOR. FRANCIS ZAMMIT DIMECH: Peress li qed nitkellmu fuq kumpanija pubblika, il-Ministru jħoss li almenu għandu jagħti l-lista ta’ dawn il-kumpaniji u l-kuntratti li ngħataw? Il-Ministru ma jistax jinħeba wara t-tarka kummerċjali meta hu qed jaġixxi għan-nom ta’ kumpanija li qiegħda toffri servizz pubbliku u anke topera b’użu ta’ fondi pubbliċi.
