ONOR. MICHAEL FARRUGIA: Din għandna nkompluha mal-biċċa ta’ qabel u allura jiġi jingħad hekk:
“Jipposponu r-rapport sesswali għal età aktar matura...”
THE CHAIRMAN: Mela din għandna nkompluha hekk:
“...għaliex tfajliet li jipprattikaw is-sess minn età żgħira jispiċċaw b’dispjaċiri kbar u dwejjaq għar-rapport li jkunu għamlu.”.
ONOR. MICHAEL FARRUGIA: Mhux “jispiċċaw” imma għandna ngħidu li “mhux l-ewwel darba li jispiċċaw...”.
THE CHAIRMAN: Mela wara l-kelma “matura” rridu ndaħħlu comma u nżidu “għaliex tfajliet li jipprattikaw is-sess minn età żgħira”. Issa jekk se ngħidu “mhux l-ewwel darba li jispiċċaw...” (Interruzzjonijiet) Ma rridux niġġeneralizzaw imma se tkissru dik il-proposta li semmejtu intom. L-ewwel tajtuni x’nifhem li tfajliet, wara li jkollhom is-sess minn età żgħira...
