Marketinq haqqında anlayış. Marketinqin əsas anlayışları

1. Marketinq nəzarəti prosesi

2. Strateji marketinq nəzarəti

3. Operativ marketinq nəzarəti
1. Marketinq nəzarəti prosesi

İstənilən iqtisadi proses və fəaliyyət növlərində olduğu kimi, marketinq prose­si­nin və fəaliyyətinin də verilmiş rejimdə həyata keçirilməsi bu prosesin, fəaliy­yə­tin gedişinin daima izlənməsini, verilmiş rejimdən kənarlaşmaların və onların səbəblərinin aydınlaşdırılmasını, həmçinin hə­min kənarlaşmaların aradan qaldırılması üzrə tədbirlərin hazırlanmasını tələb edir. Buna isə yalnız və yalnız marketinq nəzarəti vasitəsilə nail olmaq mümkündür.

Marketinq nəzarəti sistemi qarşıya qoyu­lan məq­sədə (məqsədlərə) nail olun­ması və ya müəyyən edilmiş tapşırıqların yerinə ye­ti­ril­məsi üçün həmin fəaliyyətin gedişinin izlənməsi, onun nəti­cə­lə­ri­nin qiymətl­ən­di­rilməsi və müəyyən edilmiş rejimdən kənarlaşmalar aşkar edildiyi halda zəruri düzəlişlərin (korrekturaların) həyata keçirilməsi prosesidir.

Marketinq nəzarətinin effektliliyi həlledici dərəcədə bu prosesin düzgün təşki­lin­dən, yəni onun həyata keçirilməsi ardıcıllığının düzgün müəyyənləşdirilməsin­dən asılıdır. Marketinq nəzarətinin aşağıdakı ardıcıllıqla həyata keçirilməsi məqsə­də­uy­ğun hesab edilir

1. 
   Məqsədin müəyyənləşdirilməsi
   
2. 
   Nəzarət ediləcək göstəricilərin müəyyənləşdirilməsi
   
3. 
   Nəzarət ediləcək göstəricilər üzrə plan tapşırıqlarının müəyyən edilməsi
   
4. 
   Məsuliyyətin bölüşdürülməsi
   
5. 
   Müəyyən edilmiş tapşırıqların yerinə ye­ti­ril­məsinin təhlili
   
6. 
   Düzəlişlərin həyata keçirilməsi (mükafatlan­dır­ma/məsuliyyət)
   

Marketinqin planlaşdırılması səviyyəsinə uyğun olaraq nəzarətin iki forması: 1) strateji marketinq nəzarəti və 2) operativ marketinq nəzarəti mövcuddur.