gird-i-abbas tha ruhe shahuda ka amboh
bechch mein aap they jis tarah ho ek paikar-i-koh
rukh-i-misl se zaahir tha shujaat ka fawoor
noor-e-peshani ka jaise ho chiragan sar-e-toor
yun mukhatib huya ashaab se bazu-i-imam
ruk loon khema talak aa na sake lashkar-i-shaam
sab ko malum hai hamle ke hain kitne aksaam
jang-i-mughluba bhi hai hamlo mein ek hamla ka naam
jab mukhaleef ki ho taadaat bahut kam wa hakeer
tooth parhti hai fana karne ko sab fauj-i-kaseer
is hiqarat se bachcho tum yeh hai farman-i-imam
unse larhte raho is waqt se ley kar ta-shaam
baad hum sab ke jo hona hai woh hoga anjaam
samne ankhon ke gharat na hoon aaqa ke khayaam
ruk lu nezo se barh kar ke sitamgaro ko
dhalun pe ruk lu baraste huye suffaro ko
tegh se khechch diya barh ke mujahid ne hisaar
kehte they aa nahin sakta koyi aage gaddaar
ek kadam barh nahi sakta hai pyada aur sawaar
sab yeh kehte they ke abbas-e-dilawar pe nisaar
teri kadmo ki kasam aey pisar-i-shahe bakhaf
hum unke aane na dege kabhi khemo ki taraf
rondh dale yeh hamen unka yeh maqdoor nahin
hum hai taadaat mein kam us par bhi majboor nahin
sher darr jaye shigulon se yeh dastur nahin
aslahe pheekh ke yeh bhaghee toh kuch door nahin
hum rahen na rahen shah-e-khush iqbal rahe
sadu sisal alamadar-i-jawan saal rahe
Pg. 42
ghul huya shahe salamat ka utha shor-e-durood
misle khursheed huya shahe shududah ka darood
jalwa ara huye markab pe imam-i-zey-jood
baes-i-rahmat-i-haqq khalq mein jis ka wajood
woh shikhwa-i-alamo shaan-i- hunude allah
kaisa sardar tha aur kaise they woh chida sipah
muttaqqi sab they mujahid they khuda wale they
un mein sayyadainiyon ke godhiyon ke pale they
chand se chehre they aur gesoyon ke hale they
nasha-i- bada-i-irfan se matwale they
ali akbar se haseen qasim-i-gulugeer sa shakeel
duno alam mein na tha aun-o-mohammad ka adeel
mamana par huye jab ibne muzahir mamoor
maisare par pisar-i-qain sabaha bazu ghayyoor
qalbe lashkar pe ali akbar-i-ghazi pur noor
shah ne farmaya zafar dey inhe aey rabbe ghaffoor
mere lashkar ko addu karne na payen tarraj
zulm-o-bedeeni ka duniya mein na qayam rahe raj
tere quran ki hurmat ki liye larhta hoon
tere islam ki azmat ki liye larhta hoon
deen-o-iman ki daulat ki liye larhta hoon
main paimbar ki shariat ki liye larhta hoon
tujh ko maloom hai malik meri uftaad-o-mejaz
na mujhe taqt ki khawahish hai na darkaar hai taaj
mar ke bhi marajaya-e-deedar rahe mera mazaar
adil aur daad ka darbar rahe mera mazaar
hasib-i-taj ki Sarkar rahe hai mera mazaar
mamane-i-bekas wa lachaar rahe mera mazaar
kibriya khaak meri khaak-i-shifa ho jaye
yeh har ek dard ki duniya mein dawa ho jaye
Pg. 43
apne mabood se shah karte they yun arzo niyaz
ghohre ki tapo se hilne lage sab dasht-o-daraz
saikhrho kale alam leke barhe fitna taraz
razmi bajjo ka gharyu aur bhayanak awaz
ek toofan-e-bala umrhrha chala aata tha
gard se gumbad-i-dawwar chupa jata tha
kasrat-i-teer se maidan ki fiza they tareek
sar pe chaya huya tha goya ke abre bareek
barhte aate they addu fauj-i-khuda ke nazdeek
un mein kehte hain aksar they sahabi bhi shareek
ek takrau huya gonj utha dasht-i-nabad
zakmi gohrho se gire khaak pe aake na-mard
baghein dheele kiya sarpat chale aate they sawar
ruk gayi samne jaise hi aage ki kataar
gir parhey pichche ki saaf aan ke us par ek baar
ek par do gira toh do par gire aakar chaar
gohrhe barkhe toh sawaron ko kuchchal kar bhage
bach gaye marne se jo log woh nikal kar bhage
chand afraad ko lakhon se larhaya kis ne
jang-e-maghluba ki aafat se bachchaya kis ne
khaak mein tantana-i-shimr milaya kis ne
is tarah jang ka asloob sikhaya kis ne
marhaba lakhte dil-e- jaan-e-rasul-i-arabi
waaris-i-teghe khuda-daad husain ibne ali
jo shahenshah-e-risalat ka tha pyara woh husain
shah-e-mardan ki jo tha ankh ka taara woh husain
jis par rahti they fida hazrat-i-zehra woh husain
azam jis ka tha masheyat ka ishara woh husain
mohsin-i-nauhe bashar-i-fakhre adam
nazasin-i-rooh ullah ameen saniya-i- ibne maryam
Pg. 44
saqiya khum mein jo aayi they wohi aaj pila
mere saghar par ho tahreer ali-o-maula
jab mila jame dil afroz tere dar se mila
madhat-i-qasim naushah ka aata kar dey sila
pee ke jab rooh meri jism se tharaati hai
mere naghmon ki sada arsh talak jati hai
ghame duniya se yehi may mujhe deti hai najat
us ka har qatra hai mere liye gunje hasanaat
may teri saqiya mere liye hai ab-e-hayat
rooh parwar teri may shafaye mahshar teri zaat
sabz ho saghar-o-mina toh ho dhani badah
hasani kham khana javed ka ho dilradah
jo fakiron ko kare dam mein ghani woh badah
jis ki taseer mein hai gulbadni woh badah
jis ko sab kehte hai makki-madani woh badah
jis ki teenat mein hai khulq-e- hasni woh badah
nasha uska sar-e-mahkhaar pe sahra ban jaye
pa ley joh usko toh bighra huya chehra ban jaye
badah kharon ko sikhati yahi raz-o-niyaz
mere pene ke bhi saaqi hai nirala andaz
jab talak pe na lun jee bhar ke nahin parhta namaz
dil mein jalu ki faravani hai iska aijaz
jam par jam dey dilband-i- husain ke sadqa
kabhi dulha ka kabhi uski dulhan ka sadqa
deen parwar hai yahi tegh do paikar hai yahi
shab-e-hijrat hai yahi chadar-o-bistar hai yahi
rooh-e-quran yahi nafs-i- paimbar bhi yahi
mera iqbal yahi mera muqaddar bhi yahi
bas yeh hai meri bakshish ka sahara saqi
nazr-e-lutf rahe mujh par khudara saqi
Pg. 45
jake kuch door murratab huyi phir fauj-e-yazid
ab larho jam ke yeh thee shirm-o-umar ki takeed
aaj woh mareka hoga ke na deed aur na shaneed
jeet sakte ho basharate ke karo saya-i- mazeed
fateh asaan nahin hoga tum ko malum
pisar-i-haidar-i-safdar hai husain-i- mazlum
saath jo log hai woh bhi hai jari aur diliar
qasim-o-akbar-o-abbas-e-alamadar sa sher
ausajah aur habib ibne muzahir wa buraar
butamah wa hilal aur bajjali wa zuhair
in mein har ek hai mardandgi-o-harb mein farad
unki takbeeron se gonj uthega sahra-i-nabad
niklo ek-ek mubariz talabi jaa ke karo
pusht par lashkar-i-kahaar kharha hai na daro
raksh jaloon karo talwaron ko kandhe pe dharo
bhagna nang hai maidan se maaro ya maro
tegh ka harba hai dushman ki tabahi ke liye
bangpan zewar-i- zangi hai sipahi ke liye
yun barhata raha fauj ka hausla shimre badkaar
josh mein teer-o-daran nikle baraye paikar
izan lekar shahe wala se barhe khush tewar
ho jate they layin-casham zadan mein finar
pahron be-deeno se larhte raha ek-ek diliar
mar gaye dad-e-wafa deka tamanna-o-zuhair
allah-allah woh habib ibne mujhahid ka jihad
sab samajhte they ke ho jayega lashkar barbad
al-amaan ka they kabhi shor kabhi they faryaad
khud husain ibne nabi dete they har vaar pe daad
noore rukh barh gaya hangaam-o-wigah aur itaab
sab yeh kehte they ke is shayab pe sadqe ho shabab
Pg. 46
larhte they khushk zaban par thee sanaya-i-shabbir
kehte they ibne yadduallah hai hum sab ka ameer
maut hai qaum ki jis qaum ka murda ho zameer
tum mein har ek yahan hirs-o-hawas ka hai aseer
maar kar hazrat-i-shabbir ko pachchtaoge
muntaqim lega ioz khaak mein mil jaoge
ghir gaye narghaye ada mein habib-e-zejah
pahron talwar chali pyas mein halat thee tabah
zakmi gohrha tha kisi simt nahin milti they jah
sar par ek zarb lagi gir parhe rahwar se aah
kehte they aayeye marta hai deedar ko ghulam
ya husain aap pe ek banda-i-bekas ka salaam
baad ansaar larhe muslim-i-besar ke pesar
kaat ke phek deye bachcho ne bedeeno ke sar
raund kar rakh diya masomon ne sara lashkar
ghoor kar dekha jise ja na saka bachch kar
baap ke khoon ka iwaz le kar jari they dilshaad
dey khuda sab ko zamane mein bas aisi aulaad
rokte rah gaye goh qasim or akbar sar chand
aaye maidan mein phir binte ali ke farzand
hazrat-i-jaafar-o-tayyaro aur ali ke dilband
unki talwaro ne dam kar diye bedeeno ke band
yun larhe jis tarah bachchpan mein ali larhte they
be-dharak jis tarah khaliq ke wali larhte they
dekh kar bhaiyyon ki laash chali dil par churi
akbar-o-qasim-i-zeejah ki woh nauhagari
kam na hota tha kisi tarah se soz-e-jigari
qadr karte hain shujayon ki jo hote hain jari
kehte they ibne hasan mar gaye duno gulfaam
be-iwaz unke liye ab mera jeena hai haram
Pg. 47
bole yeh akbar-e-gulfaam ke aey ibne hasan
gul wohi pahle ho pamaal jo hai jane chaman
kya kahegi tumhe batlao toh ek shab ki dulhan
aag lag jayegi jal jayega sara gulshan
roka akbar ne na dulha ko yeh shikwa hoga
hay kya haal-e-dil-e-hazrat-i-farwa hoga
pate hain lutf-e-hasan aap se har aan husain
aap ki zaat mein hain khulq-e-hasan shaan-e-husain
aap hain rahat-i-jaan aap hain armaan-e-husain
main toh farzand hoon par aap toh hain jane-e-husain
aap ke aqad mein hain dukhtar-i-farzand-i-rasul
ab talak taza-o-tar aap ke sahre ke hain phool
sunti they madar-i-qasim jo udhar hoti thee baat
bechch mein inke shahzadeyan ke hayil thee kanat
yun muqatib huye farzand se woh nek sifaat
marhaba aey pisar-i-shah rafeh uddin darajaat
haqq pe marte hain toh milti hai hayat-i-abdi
nafs ko bech kar lete hain riza-i-samadi
saqt andoh mein hain laqte dil-e-khaibar-i-geer
tum ho qasim hasan-i-sabz qabah ki tasveer
rukh-o-gesu mein sab husne nabi ki tanveer
labo lahje mein hain wohi taqreer wohi pur taseer
sab yeh samjhege hasan aaye hain bahre imdaad
arsh talak pahaunchi husain ibne ali ki faryaad
jake lo hazrat-i-shabbir se tum izan-i-jihad
main dua karti hoon sun le meri malik faryaad
ya khuda qasim-i-mahru ko mile dil ki muraad
is ki talwar se ho lashkar-i-ada barbad
uske haathon se ho do tukhre yalan-i-lashkar
phenk deyn cheen ke dushman se nishan-i-lashkar
Pg. 48
daru deer asad-i-qila shikan dikhlao
neza bazi mein sab andaz-i-hasan dikhlao
shahwari ka talwar ka fan dikhlao
sab alamdar-i-husaini ka challan dikhlao
sehra chehre pe rahe take main pehchan saku
tum kidhar larhte ho maidan mein main jaan saku
ashq ankhon se baraste they khula tha sar-e-pak
kehti thee deen hai allah ki fahm-o-idrak
tifl kar deta hai gahware mein azdar ko halak
larh nahin sakte hain deendaron se bedeen safak
teekhe chitwan rahen abbas-i-dilawar ki tarah
pahalwano se larho zaigham-e- dawar ki tarah
hukm maa deti hain laazim hai tameel karo
lo barho izan-e-wagha lene ki tajeel karo
maqsad-i-hazrat-i-shabbir ki taqmeel karo
khair-o-shar kya hai bayan jake ba-tafseel karo
surqru haider-i-karrar ki sarkar mein jao
yunhi dulha bane firdaus ke gulzaar mein jao
jaa ke kehna meri khatoon-i-jannat jihaan se tasleem
kehna ghere huye hain aap ke bete ko layeen
aabru rakh ley shahidon ki khuda bande kareem
lo mubarkak ho tumhe yeh safar khuld-i- naeem
dil bahal jayega jab yaad karongi teri baat
baatein karne mein dulhan se teri kath jayegi raat
choom kar maa ke kadam barhe janib-i-dara
dekhte kya hain ke zainab hain karhi nagge sar
baithen hain khak pe bano-i-hazeen chaak jigar
na toh nalain hain pau mein na sar pe chadar
dil pe ek chot lagi ashko se muh dhone lage
yeh samaa dekh ke jee tooth gaya rone lage
Pg. 49
sunn ke qasim ki fughan ashq fishan aaye imam
bole lipta ke kaleje se ke aey gul-andaam
jang mein barchchiyan khana nahin nausha ka kaam
dhoop hai saaya mein jaakar karo kuch deer aaram
bolen farwa ke yeh hai uske padar ka farman
waqt parh jaye toh ho jaana chacha par qurbaan
rokeye ab na use haider-i-safdar ke liye
izn de dejeye allah-o-paimbar ke liye
jane dejeye use masooma ki chadar ke liye
bhejeye jang ko ab hazrat-i-shabbar ke liye
izan milte hi chala bahre wagah shahzada
hu bahu misle ali jang pe tha amada
saj ke tayyar tha darwaze pe rahwar-i-jari
dasht mein mayil-i-parwaz ho jis tarah pari
misle rakib har ek ayib se markab tha bari
zeen par qasim-e- naushah ne ki jalwagiri
tegh thee haath mein aur pusht-i-mubarak pe sipar
aap gohrhe pe thee ya baam-i-falak par tha qamar
kashish-e- qalb ne jab kar diya bilkul majboor
charh ke gohrhe pe barhe saath alamdar-i-ghayyur
ruk gaye rah gaya jab lashkar-i-ada kuch door
bole qasim se barho parh ke rajas ba dastoor
barhte jao sare maidan-i-wagha tham-tham kar
sher jis tarah se rakta hai kadam jam-jam kar
rishta-i-ahmad-i-mukhtar ka izhaar karo
saulat-i-haider-i-karrar ka izhaar karo
jauhar-i-tegh-i-shararbar ka izhaar karo
sitwat-i-jafar-i-tayyar ka izhaar karo
tegh kandhe pe rakho kechche raho baghe fars
kyun barhe jate ho allah re larhayi ki hawas
Pg. 50
dekhte jao meri simt zara phir-phir kar
jaan-e-am mera sambhalta nahin qalb-e-muztar
qasim tujh ko zafar dega khuda-i-bartar
tujh se tanha nahin larh sakta koyi baghi-i- shar
aa qareeb aake tujhe sene mein dhar loon
qalb-i-betaab ko kis tarah se pattar kar loon
sun ke yeh gud parhe gohrhe se ba-deeda nam
daurh kar choom liye dulha ne ghazi ke kadam
khud bhi gohrhe se utar aaya ali ka zaigham
pyar karte rahe lete rahe bose paiham
waqt-i-ruqsat woh alamdar-i-husaini ka malaal
jaise yusuf ki judaai pe tha yakub ka haal
aake maidan mein rajas-khwan yun bataukheer
main tujhe tokta hoon aey pisar-i-saad shareer
kor dil sun toh zara kya kehta hai zameer
tu hai sairaab udhar pyas se marte hain sagheer
khair kar le tujhe jo karna hai ao khana kharaab
haal khul jayega kuch door nahin roz-e-hisaab
tujh ko khauf-e-ghazab hazrat-i- kahaar nahin
behaya tujh ko kisi baat mein bhi aar nahin
samne aata nahin larhne pe tayyar nahin
chatre zarin toh hai aur haath mein talwar nahin
dekh kis tarah se faqon mein wagha karte hain
kichch gayi tegh-e-sharbaar toh kya karte hain
jin mein hain dawa-i-shamsheer zani woh aayen
jo bhi hain maher-i-navak faghin woh aayen
jo hun tum sab mein shujaat ke dhani woh aayen
jitne hon kaabil-i-gardan zadani woh aayen
kaat kar phekta jaata hoon main sab bedeeno ke sar
ginta ja tu kharha kashton ko mare bani-i-shar
Pg. 51
kya bayan tujh se karun apni main aala nafsi
jad mera fazal khuda se hai rasul-i-arabi
mera dada asadullah hai khaliq ka wali
baap mera hasan sabz qaba sibte nabi
apna har fail hai ahkaam-i-khuda ki tafsir
hum ko malik ne dee khuld-i-baren ki jagir
shimr se kehne laga yun pisar-i-saad-i-layin
dilbar sayyid-i-masoom hai kis darja haseen
abhi toh pura jawan bhi nahin yeh mah-e-jabeen
barh ke yeh shere khuda hoga mujhe hai yeh yaqeen
keh dey arzak se ke kaam us kar de jald tamam
maal-o-zar dega sila usko uska hakim-i-shaam
shimr ne jake yeh arzak se kaha ao sardar
barsar-e-jang hai maidan mein hasan ka dildar
koyi larhne ko nahin hota hai us se tayyar
qatl aasan ho us ka jo kare tu paikar
marhabe asar hai toh rustom daran tu hai
sher-e-dil tegh zan-o-husaam or bazemaan tu hai
bola arzak mere farzand hain sab sher khisaal
kam nahin qasim-i- zeejah se un sab ka jalaal
teer andazi mein har ek ko hasil hai kamal
du-ba-du unse larhe yeh bhi kisi ki hai majal
keh dey un mein se barhe ek jawan tegh bakaf
kaath kar laye sar-e-dilbar-i-sultan najaf
ek un mein se barha kechch ke shamsheer o daham
tantana zyada tha aur jurrat-i-paikar they kam
samne sher ke barhte na they gohrhon ke kadam
kabhi barhta tha bharak kar kabhi khud jata tha tham
aa gaya qasim-i-nausha ko zaalim pe jalaal
kar ke mahvez barhaya faras-i-bark misaal
Pg. 52
zhapta shahzadeh pe na-murad utha kar talwar
murh gaya un ka faras khali gaya us ka vaar
ab nahin bachne ke tum kah ke barha phir ghaddar
zad pe aana tha ke unki they sena seene ke paar
gir parha khak pe gohrhe se layen muh ke bhal
sher ke naare ba-takbeer se goonja jangal
khak par gir ke tarhapta raha misle bismil
dekh kar haal-e-pisar hil gaya malum ka dil
dil mein kehta tha yeh bimo darja ki manzil
taalna qahar-i-ilahi ka bahut hai mushkil
is sin-o-saal mein yeh dabdaba yeh shan-o-jalal
hay shabab aata toh phir dekhne ke kaabil tha kamal
baqi bete jo they larhte rahe bari-bari
aasteen ulti they dulha pe ghazab tha tari
nadiyan khoon ke they dasht-o-wagha mein jari
maut ke ghaat utara jese zarbat maari
kibro naqut ka bhi anjaam bura hota hai
bete mare gaye aur baap karha rota hai
dey sada hazrat-i-abbas ne allah re jidal
aa gaya yaad hamen sher-e-ilahi ka jalal
poncho maathe ka pasena zara dam le lo mere lal
larhna hai arzak-i-shaami se rahe is ka khayal
thak gaya hoga faras aake badal lo rahwar
khul gaye pechch zara theek toh kar lo dastar
amada-i- arzak-i-shami hai miyyan-i-jangah
muntazir mareka-i-tegh zani ki hai sipah
khoon bhari tegh liye zhoom raha hai naushah
ab zara radobadal chothe ki hogi dil khawah
khud tano mand hai gohrhe bhi hai bala baland
shokhiyan karne laga dekh ke dulha ka samand
Pg. 53
gharqe aayani tha layin dohri lagai talwar
surq ankhen thee ke farzando ka tha matamdar
bhoj se aslaho ke dhoop mein diqq tha gaddar
jis tarah qabr mein ho jism pe murde ke fishaar
tegh thee haath mein dulha ka dhani jama
sar pe sehre ke tale noor ka ammama
aake abbas-i-alamdar kharhe ho gaye paas
kehte thee aane do zalim ko karo kuch na hiras
daal do kawe pe rahwar ko dhele karo ras
main zere dast malun ko hai is ka ahsas
var khali gaye das bees toh thak jayega
lakh koshish kare par haath bahak jayega
sare maghroor par bijli se chamakti thee husaam
sadru gardan ki taraf uski lapakti thee husaam
misal ek parchaya-i- almas damakti thee husaam
chuth jab kar ke palati they lachakti thee husaam
kathte jate thee talwar pe talwar ka vaar
kaabil-i-deed thee farzand-i-hasan ki paikar
vaar khali gaye paiham toh pasheman tha layen
bas nahin chalta tha dulha se firasan tha layen
zad pe aane se dabakta tha gurezan tha layen
burrashe tegh-i-shararbar se hairan tha layen
jab lagata tha layen parhte thee ab dheele haath
ek ke badle das parhte thee phurtele thee haath
kehte thee akbar-i-gulfaam se shah-e-mazloom
ghulghula kaisa hai kis baat ki hai fauj mein dhoom
kyun gaye hain wahan abbas tumhe hai maloom
larh chuka qasim-i-naushah se kya arzak-i-shaam
arz akbar ne ki sab shane yaddullahi hai
larhte hai ibne hasan khalq tamashayi hai
Pg. 54
pote ki karte thee imdad imam-i-awwal
deer tak qasim-o-arzak mein rahi raddobadal
sakht kuch baat gayi muh se jo zalim ke nikal
parh gayi zarbat-i-qahaar ke garja badal
kaath kar sadr-o-qamar zeen pe aayi talwar
shikam-i-madar-i-geti mein dar aayi talwar
ghul huya wah re talwar chalane wale
khaak mein arzak-i-shami ko mithane wale
hairat angez shujaat ke dekhane wale
sher sab hain asad-i-haqq ke gharane wale
gulistan yaad parha shane chaman yaad aayi
shadmani mein unhe apni dulhan yaad aayi
sare jangah tassawur mein mulakaat rahi
kaisi pur lutf thee goh chand hi lamhaat rahi
jang ka zikr tha tabreek muhaat rahi
aabru rak ley malik ne barhi baat rahi
phir jo chauke toh wohi alam-i-tanhayi hai
har taraf dhalon ki ghanghor ghata chayi hai
thee nazr fauj ki janib kabhi gah suye khayaam
dekhte kya hai ke baithe hai sar-e-khak pe imam
hil gaya qalb-e- hazen kaap gaya gule andaam
door se jhuk ke kiya ghazi ne maula ko salaam
kechch kar tegh jo qasim ne urhaaya rahvaar
sayeqa fauj par girta nazar aaya ek baar
pahro chalti rahi talwar baraste rahe sar
ek taraf teer fighan jamah thee tahad-e- nazar
aa gaye barcheyon wale ke risale thee jidhar
ghir gaya narghaye ada mein hasan ka dilbar
zakmi hone pe bhi tewar ke wohi thee andaz
sar pe talwar lagi gir parha zeen se jaanbaz
Pg. 55
fateh ke baje bajane lage fauj-i-be-peer
jag kar so gayi ek shab ki dulhan ki taqdeer
aaye rote huye mayyat pe janab-e-shabbir
kehte thee mar gaye tum jeta raha mujh sa peer
phool se jism pe hain gohrho ki tapo ke nishan
nazah mein hichchkiyan lete ho labu par hai jaan
tukrhe tukrhe hai badan saikhrhron pevasta hain teer
kaise le jayen teri lash ko aey mehre muneer
tum talak aane mein beta hoyi mujh se taqeer
saikhron gird teri lash ke they jama shareer
gohrhe daurha diye dekha jo hame aate huye
barchiyan maarte jate they tujhe jate huye
arz ki hazrat-i-abbas ke aey noor-e-khuda
ja ke kheme se main lata hoon ridai-i-zehra
dare khema pe pahuch kar dey ghazi ne sada
lene aaya hoon main maqduma-i-alam ke rida
bandh ke layege hum us mein qamar ke tukhre
ran se late hain abhi apne jigar ke tukrhe
ek kohraam hoya gash huyi yeh sun ke dulhan
jal gaya dekhte hi dekhte dekhte sara gulshan
gul mila khaak mein taraj huyi shan-e-chaman
noch kar phek diya kubra ne sehra-o-kangan
madar-i-qasim-e- naushah ke allah re bain
ek taraf khaak pe behosh thee bano-i-husain
bandh kar chadar mein aaya lasha
godh mein akbar-e-mahru ne uthaya lasha
la ke masnad pe shahedeen ne lithaya lasha
daur kar farwa ne sene se lagaya lasha
torh kar chadar-i-zehra ko ubhar aaye thee teer
jis tarah bap ke tabut mein dar aaye thee teer
Pg. 56
shor utha ab dulhan aati hai khabardar raho
gird mayyat ki pheregi zara hoshiyar raho
lash uski bhi uthana na ho tayyar raho
bibiyon kubra se ghafil nahin zinhaar raho
aate hi gir parhi lashe pe woh tafseedah jigar
hashar barpa tha kisi ko na kisi ki thee khabar
hashar mein aayegi jab fatema khole huye sar
lasha asghar-i-masoom liye haathon par
khon mein qasim-i-naushah ke chadar sab tar
hashar ke roz bapa hoga naya ek mahshar
tham kar arsh ke paya ko karengi faryaad
zulm ki dawar-i-mahshar se kahegi rudaad
____________
Sirf Title Hindustan Printing Press, Phone number 29727, Gola Ganj, Lucknow mein chapa
Dostları ilə paylaş: |