Maruza mashg’ulotlari 23-Mavzu: Chqbt va ute fani asosida kurs ishlarini tashkil qilish va bajarish. Reja

24-Mavzu: Pedogogik amalyotni ChQBT o’qituvchisi lavozimi bo’yicha tashkil qilish va o’tkazish.
Reja:
1. Pedagogi amaliyotning vazifalari. Harbiy rahbar, CHTO‘ lavozimida pedagogik amaliyotning o‘tkazilish muddati va mazmuni.
2. Pedagogik amaliyotni boshqarish, tashkil etish,o‘tkazish. Talabalarni o‘quvchilar bilan mashg‘ulot o‘tishga tayyorlash.
3. Ta’lim muassasasi harbiy Rahbari, CHTO‘ - amaliyot raxbarining roli. Hisobot tayyorlash va uning himoyasi.
Tayanch iboralar: Pedagogik amaliyot, vazifalar, pedagogik madaniyat, kasbiy- pedagogik faoliyat, mashg‘ulot o‘tishga tayyorgarlik.


Akademik litsey, KXK va umumta’lim ta’lim muassasalarida talabalarni harbiy rahbar, CHTO‘si sifatidagi pedagogik amaliyoti O‘zbekiston Respublikasi Oliy va o‘rta maxsus ta’lim vazirligining 1998 yil 30 oktyabr 305 sonli buyrug‘i bilan tasdiqlangan O‘zbekiston Respublikasi Oliy ta’lim muassasalari talabalarining malakaviy amaliyoti xaqidagi Nizomga asosan o‘tkaziladi.
Mazkur Nizom O‘zbekiston Respublikasining «Ta’lim to‘g‘risida»gi qonun va Kadrlar tayyorlash milliy dasturi talablariga mos ravishda ishlab chiqilgan. Unda oliy oliy ta’lim muassasalari talabalarining malakaviy amaliyotini o‘tkazish shakllari, tartibi va uslublari belgilangan.
Pedagogik amaliyot - oliy malakali pedagogning umum tayyorgarlik tizimining tarkibiy qismlardan biridir.
O‘zbekiston Respublikasi xukumati harbiy rahbar, CHTO‘ oldiga katta talablarni qo‘yadi, ular yoshlarni O‘zbekiston Respublikasi qurolli kuchlariga xizmatga tayyorlash ishlarini uddalashlari uchun barcha axloqiy sifatlarga ega bo‘lishlari shart.
Pedagogik amaliyotning vazifalari:
1.Talabalarning universitetdagi mashg‘ulotlarda olgan pedagogik bilim va malakalarini mustaxkamlash va chuqurlashtirish. Ularni ta’lim muassasalarida CHQBT bo‘yicha vatanparvarlik tarbiyasi va turli o‘quv – tarbiyaviy ishlarning shakllanini qo‘llashga o‘rgatish.
2.Talabalarni harbiy rahbar, CHTO‘ning pedagogik faoliyatidagi ishlarning quyidagi turlariga o‘rgatish;
-o‘quv dasturining asosiy bo‘limi mavzulari bo‘yicha boshlang‘ich harbiy tayyorgarlik darslarini rejalashtirish va o‘tkazish;
-o‘quvchilarning individual xususiyatlarini o‘rganish bo‘yicha ruhiy - pedagogik kuzatuvlarni olib borish;
-CHQBT mashg‘ulotlarida amalga oshiriladigan o‘quv-tarbiyaviy jarayonining alohida tomonlarini, pedagogik va mashg‘ulotlar taxlili asoslarini kuzatish;
-akademik litsey, KXK va umumta’lim ta’lim muassasasi o‘quvchilarini vatanparvarlik va jismoniy tarbiya bo‘yicha darsdan tashqari ishlarini o‘tkazish metodikasi va tashkil etish asoslari, o‘quv xujjatlarini yuritish;
-o‘rta sinflarda tarbiyaviy ishlarni o‘tkazish va tashkil etish asoslari;
-talabalarni CHQBT va vatanparvarlik tarbiyasi bo‘yicha o‘quv – tarbiyaviy ishlar metodikasini takomillashtirish,tajribalarni va o‘z faoliyatlari natijalarini uzuluksiz hisobini yuritish, pedagogik tajribalarini tahlil qilish, baholash malakalari bilan qurollantirish.