Kimyoviy qirg’in qurollari. Zaharlovchi moddalar mo’ljalga avvalo aviatsiya yordamida yetkaziladi. Turli xildagi zaharlovchi moddalar bilan to’ldirilgan aviatsion bombalar portlatuvchi moslamalari bo’yicha zarba ta’sirida portlaydigan va uzoqdan boshqariluvchi (distantsion) moslamalar bilan portlaydiganlarga bo’linadi.
To’kadigan aviatsion asboblar.
Suyuq zaharlovchi moddalar bilan to’ldirilib, samolyot qanotlari yoki fyuzelaji (korpusi) tagiga osiladi va 300-500 metr yuqoridan istehkomlar ustiga sepiladi.
Raketa vositalari.
Kimyoviy hujum o’tkazish zarurati paydo bo’lganda raketa vositalaridan keng foydalaniladi. AQSH armiyasi qurolli kuchlari kimyoviy qurolni kerakli joyga yetkazish uchun boshqarilmaydigan «Onest Djon» va boshqariladigan «Serjant», «Lans» va boshqa raketa vositalariga ega.
Reaktiv minomyotlar -(ko’p stvolli qo’rilmalar)dan otiladigan reaktiv snaryadlar yoki minalar zaharlovchi moddalardan zarin yoki V gazlari bilan to’ldirilgan bo’ladi, qo’llanilganda ko’plab maydonlar va kishilar zararlanadi. Qurilmalarning otish uzoqligi 2,7-11 km ni tashkil qiladi.
Artilleriya kimyoviy snaryadlari va minalari – NATO davlatlari armiyalarida hozirgi vaqtda 105, 155, 175, 203 mm zambaraklar va gaubitsalardan otish uchun ishlab chiqilgan kimyoviy snaryadlar bor. Bu tabeli snaryadlar V-gazlari, zarin, haydalgan iprit va CS (Cu-Es) zaharlovchi moddalari bilan to’ldirilgan. Gaubitsalarning uzoqqa otish masofasi 16-18 km, zambaraklarning uzoqqa otish masofasi 32 km ni tashkil qiladi. Bundan tashqarii, 106,7 mm li minomyotlarga mo’ljallangan kimyoviy minalar ishlab chiqarilgan, minomyotlarning uzoqqa otish masofasi 5,5 km.
Kimyoviy fugaslar – dushmanning tirik kuchini, maydonlarni, shuningdek to’siq hamda yo’llarni zararlash uchun qo’llaniladi. NATO davlatlari qo’shinlarida hozirgi vaqtda M-1, M-23, AVS-M23 markali fugaslar saqlanib kelinmoqda. Ushbu fugaslar V-gazlari, zarin va boshqa turdagi zaharlovchi moddalar bilan to’ldirilgan bo’ladi. Portlatilgan vaqtda yaqin 12,5 m2 va undan ham ko’p maydonni zararlydi. Bularni portlatish uchun detonatsiyalovchi shnur ishlatiladi.
