Toplayıcı:
Füzuli Bayat
13. TAPMACALAR
Bir sürü atlar
Çəməndə otlar.
Vaxtı gələndə
Dərisi çatlar.
(pambığ)
Halalar ay halalar.
Çöldə dovşan balalar.
Ayağından su içər.
Dimdiyindən balalar.
(sünbül)
O yanı qaya
Bu yanı qaya.
İçində sarı maya.
(yumurta)
Altı bulağ içərlər.
Üstü zəmi biçərlər.
(Qoyun)
O yanı çəpər, bu yanı çəpər.
İçində atlı çapar.
(Göz)
Bizdə bir kişi var.
Nənəmnən işi var.
(Nehrə)
Bizdə bir kişi var.
Iki dişi var.
(Maşa)
Biri deyir, gəl gedək.
Biri deyir, nə edək.
Biri başın buluyur.
(Arx)
Qara toyuğ qaq eledi,
Yumurtasın bərk elədi.
(açar)
Gedən məyləy,
Gələn məyləy,
Bir qıç üstə
Duran məyləy
(qapı)
Mən aşiqəm, o daşdan
O kipriydən, o qaşdan
Sənə aşiq diyərəm,
Mənə don tik o daşdan.
(Mən aşiqəm o qaşa,
O kipriyə, o qaşa
Sənə aşiq deyərəm
Sən sapdan qum hör
Mən, don tikim o daşdan).
* * *
Mən aşiqəm, buz bağlar
Qışda çaylar buz bağlar
Aşıq bir hikmət görüb
Od içində buz bağlar.
(südün qaymağı)
Mən aşıq budağ atar
O dağı bu dağ atar
Torpağsız yerdə bitər
Yarpağsız budağ atar.
(maralın buynuzları).
Söyləyicilər:
Həcər Həsənova, doğum tarixi 1950, təhsili orta, Şərəfə kəndi
Rübabə Ələkbərov, doğum tarixi 1929, təhsili 7-illik, Qızılağac kəndi
Nazilə Hüseynova, doğum tarixi 1959, təhsili ali, Həsənli kəndi
Toplayıcılar:
Füzuli Bayat
Vüsalə Kərimova
14. VÜCUDNAMƏ
Uç yaşından beş yaşına gələndə,
Bir qız gözəllikdə əcəb qız olar.
Həddi bulığ on yaşına çatanda
Açılar laləsi bir gözəl olar.
On birində kətan örtər başına,
On ikidə vəsmə yaxar qaşına,
Elə ki qız doldu on üç yaşına,
Qoyma qonşulara, yaman söz olar.
On dördündə gözəllərə qatılar,
On beşində müştəriyə satılar,
On altıda toy məclisi tutular,
Gözəllər icində bir gözəl olar.
On yedddidə hələm gərdən qurular,
On səkkizdə hər bir sözlə durular,
On doqquzda şux məmələr qırılar,
Onu əmən körpə özü məst olar.
İgirmidə gəlib dönər gəlinə,
Igirmi birdə siqal verər telinə,
Igirmi ikidə düşər eşqin gölünə,
Gəlinnər içində bir gəlin olar.
Otuzunda minər biçər bişirər,
Otuz birdə hər bir işə alışar,
Otuz ikidə hər bir işə qarışar,
Analar içində bir ana olar.
Qırx yaşında arvad olub oturar,
Qırx birində hər bir işə qatılar,
Qırx ikidə oğul, uşaq yetirər,
Nənələr içində bir nənə olar.
Əllisində gələr düşər ayağa,
Altımışda dönər ayrana, bala,
Yetmişdə gələr qabaq-qabağa
Qocalar icində bir qoca olar.
Səksənində gələr vaqif sözünə,
Doxsanında əlin atar dizinə,
Yuz yaşında taqət enməz dizinə,
Ocaqlar başında tək yalqız qalar.
Dostları ilə paylaş: |